সমগ্ৰ দেশতে এতিয়া বলাৎকাৰকে ধৰি নাৰীৰ বিৰুদ্ধে অপৰাধৰ ঘটনা বৃদ্ধি পাবলৈ ধৰিছে।
একেদৰে শিশুৰ শিক্ষাৰ ক্ষেত্ৰতো দেশৰ বহু লোক এতিয়াও অসচেতন হৈ আছে।
দেশৰ পূৱৰ পৰা পশ্চিমলৈ এনেবোৰ বিষয়তে সজাগতাৰ সৃষ্টি কৰাৰ বাবে Xohay Foundation ৰ বেনাৰত সুদীৰ্ঘ ২৫০০ কিলোমিটাৰ পথ চাইকেল যাত্ৰা আৰম্ভ কৰিছে অসমৰ চাইক্লিষ্ট উৎপল তামুলীৰ লগতে অসমৰে একাংশ উদ্যমী চাইক্লিষ্টে।
এই দলটোৱে গঁড় হত্যাৰ বিৰুদ্ধেও গণসজাগতাৰ সৃষ্টি কৰিব।
Xohay Foundation আৰম্ভ হৈছিল এটি উদেশ্য লৈ আৰু সেই উদেশ্য হৈছে দুখীয়া লোকৰ জীৱনটো অলপ উন্নত কৰা, মহিলা সকলৰ সৱলীকৰণ আৰু সজাগতা, সৰু লৰা ছোৱালীক পঢ়া শুনা কৰোৱাই এটা সৱল ভৱিষ্যত গঢ়ি তোলাৰ।
এই লক্ষ্য মনত ৰাখি আমি এটা নতুন পদক্ষেপ লোৱা হৈছে যত আমাৰ উৎপল তামূলী ওলাই পৰিছে এই চাইকেল যাত্ৰাত।এই যাত্ৰা চলিব অসমৰ পৰা গুজৰাটলৈ। অসমৰ পৰা আৰম্ভ হোৱা এই যাত্ৰা অন্ত পৰিব গুজৰাটৰ ষ্টেছু অৱ লিবাৰ্টিত।
তেওঁ ইষ্ট ৱেষ্ট কৰিডৰ হৈ এই যাত্ৰা আগুৱাই নিব।তেওঁ আমাৰ হৈ তিনটা লক্ষ্য মানুহৰ মাজত প্ৰচাৰ কৰিবলে চেষ্টা কৰিব।
