দেশৰ ক্ৰিকেট ইতিহাসত ভাৰতীয় দল বা আইপিএলত কোনোদিনে নাগালেণ্ডৰ ক্ৰিকেটাৰে খেলাৰ উদাহৰণ নাই। কিন্তু এইবাৰ তাৰ ব্যতিক্ৰম ঘটিল।
দেশৰ বিভিন্ন প্ৰান্তৰ পৰা এতিয়া জাতীয় দলত ক্ৰিকেটাৰৰ আগমন ঘটিছে। আইপিএলৰ দলসমূহতো বহু নতুন প্ৰতিভাৰ সন্ধান পোৱা গৈছে।
ইয়াৰ মাজতে মুম্বাই ইণ্ডিয়ানছৰ হৈ ইতিহাস গঢ়াৰ পথত আগবাঢ়িছে নাগালেণ্ডৰ ১৬ বছৰীয়া এগৰাকী স্পিনাৰে। এইদৰে প্ৰথমগৰাকী নাগালেণ্ডৰ ক্ৰিকেটাৰ হিচাপে ইতিহাস সৃষ্টিৰ দিশে আগবাঢ়িছে খেইবৃৎছো কেনছে।
ক্ৰিকেটাৰ গৰাকীকমুম্বাই ইণ্ডিয়ানছৰ ট্ৰায়েলৰ বাবে আমন্ত্ৰণ জনোৱা হৈছে। ট্ৰায়েলত সনউষ্ট হ’লে আইপিএলত চুক্তিবদ্ধ হোৱাৰ সুযোগ আহিব পাৰে কেনছৰ।
নাগালেণ্ডৰ ১৬ বছৰীয়া লেগ স্পিনাৰগৰাকীৰ ছৈয়দ মুস্তাক আলী ট্ৰফীত অভিষেক ঘটিছে। মাত্ৰ চাৰিখন মেচ খেলি সাতটা উইকেট দখল কৰিছে স্পিনাৰগৰাকীয়ে।
বাতৰি অনুসৰি, খেইবৃৎছো কেনছে ইতিমধ্যে মুম্বাইৰ ট্ৰায়েলত যোগ দিছে।
ৰোহিত শৰ্মাৰ নেতৃত্বৰ মুম্বাই ইণ্ডিয়ানছৰ হৈ খেলাৰ সুযোগ পালে নাগালেণ্ডৰ স্পিনাৰগাৰীকয়ে দেশৰ ক্ৰিকেট পণ্ডিতসকলৰ দৃষ্টি আকৰ্ষণ কৰাৰো সুযোগ লাভ কৰিব।
