বিতৰ্কিত ইউটিউবাৰ ৰণবীৰ এলাহবাদিয়াৰ বিৰুদ্ধে গোচৰ ৰুজু মুম্বাই আৰক্ষীৰ
২০২৫ চনৰ ১২ ফেব্ৰুৱাৰীত মহাৰাষ্ট্ৰ চাইবাৰ চেলে ইউটিউবাৰ ৰণবীৰ এলাহবাদিয়া আৰু “ইণ্ডিয়াজ গট লেটেণ্ট” শ্ব‘ৰ সৈতে জড়িত প্ৰায় ৩০-৪০ জন ব্যক্তিৰ বিৰুদ্ধে গোচৰ ৰুজু কৰে। ইয়াৰে এটা খণ্ডত এলাহবাদিয়াই কৰা আপত্তিজনক মন্তব্যৰ পৰাই এই বিতৰ্কৰ উদ্ভৱ হৈছে, যিয়ে অনলাইন মাধ্যমত ব্যাপক ক্ষোভৰ সৃষ্টি কৰিছিল। এই গোচৰত শ্ব’টোৰ বিচাৰক আৰু সৃষ্টিকৰ্তাকে ধৰি একাধিক লোক জড়িত হৈ আছে আৰু সোধা-পোছাৰ বাবে নাম উল্লেখ কৰা সকলোকে জাননী জাৰি কৰা হৈছে।
মহাৰাষ্ট্ৰ চাইবাৰ চেলে ব্যক্তিকেইজনে শ্ব’টোত ধাৰাবাহিকভাৱে অশ্লীল ভাষা আৰু কাম-কাজ ব্যৱহাৰ কৰাৰ অভিযোগ উত্থাপন কৰিছে। ন’ডেল চাইবাৰ আৰক্ষী থানাৰ পৰিদৰ্শক অভিজীত সোণোৱানে উল্লেখ কৰে যে এই কাৰ্য্যসমূহৰ লক্ষ্য হৈছে নাৰীৰ বিনয়ক অসন্মান কৰা, যিটো ভাৰতীয় সাংস্কৃতিক মূল্যবোধৰ বিৰুদ্ধে। ইয়াৰ উপৰিও অনুপযুক্ত বিষয়বস্তুক ধৰ্মীয় বিশ্বাসৰ প্ৰতি আপত্তিজনক বুলি ধৰা হৈছিল, যাৰ ফলত সামাজিক সম্প্ৰীতি আৰু জনশান্তি বিঘ্নিত হোৱাৰ সম্ভাৱনা আছিল।
তথ্য আৰু সম্প্ৰচাৰ মন্ত্ৰালয়ৰ জাননীৰ পিছতে ইউটিউবত ব্লক কৰা হৈছিল “ইণ্ডিয়া গট লেটেণ্ট”ৰ বিতৰ্কিত খণ্ডটো। শ্ব’টোৰ সৃষ্টিকৰ্তা আৰু প্ৰযোজকসকলৰ ওপৰত ইচ্ছাকৃতভাৱে ধৰ্মীয় আৱেগক আঘাত কৰা আৰু বিশেষকৈ অৰুণাচল প্ৰদেশত জনশৃংখলা অস্থিৰ কৰি তুলিব পৰা বিষয়বস্তু সৃষ্টি কৰাৰ বাবে তদন্ত চলি আছে।