ৰসবোধেৰে অনুৰাগীক মোহাৱদ্ধ কৰি ৰখা নাগালেণ্ডৰ ৰাজ্যিক বিজেপি টেমজেন ইমন আলঙৰ ঠাইত নতুন সভাপতি হিচাপে নিযুক্তি দিয়া হৈছে বেঞ্জামিন য়েপথোমীক।
বিজেপিৰ ৰাষ্ট্ৰীয় সভাপতি জে পি নাড্ডাই বেঞ্জামিন য়েপথোমীক নাগালেণ্ড বিজেপিৰ নতুন ৰাজ্যিক সভাপতি হিচাপে নিযুক্তি দিয়ে। এই নিযুক্তি তাৎক্ষণিকভাৱে কাৰ্যকৰী হয়।
ইয়াত উল্লেখ কৰিব পাৰি যে বেঞ্জামিন য়েপথোমি ইয়াৰ পূৰ্বে নাগালেণ্ড ৰাজ্যিক বিজেপিৰ উপ-সভাপতি আৰু বিজেৱাইএম নাগালেণ্ডৰ প্ৰাক্তন ৰাজ্যিক সভাপতি একেৰাহে ২ টা কাৰ্যকাল কাৰ্যনিৰ্বাহ কৰিছিল।
আনহাতে, টেমজেন ইমন আলং যোৱা ৫ জানুৱাৰী ২০২০ৰ পৰা নাগালেণ্ডৰ ভাৰতীয় জনতা পাৰ্টিৰ ৰাজ্যিক সভাপতিৰ পদত কাৰ্যনিৰ্বাহ কৰি আহিছিল।
তেওঁ ২০১৮ চনৰ পৰা আলংটাকি সমষ্টিৰ পৰা নাগালেণ্ড বিধানসভাৰ বিধানসভালৈ নিৰ্বাচিত হোৱাৰ লগতে নেইফিউ ৰিঅ’ মন্ত্ৰী সভাৰ উচ্চ আৰু কাৰিকৰী শিক্ষা মন্ত্ৰীৰূপে কাৰ্যনিৰ্বাহ কৰিছে।
উল্লেখ্য যে তীব্ৰ ৰসবোধৰ বাবে টেমজন ইমনা আলং সামাজিক মাধ্যমত অতি জনপ্ৰিয়।
