নগাঁৱত আৰক্ষীৰ অভিযানত বৃহৎ পৰিমাণৰ নিচাযুক্ত কেপচুল জব্দ
ফটো: নৰ্থইষ্ট নাও।
নগাঁও চহৰৰ ফৌজদাৰীপট্টিত নগাঁও আৰক্ষীৰ উপ আৰক্ষী অধীক্ষক ধ্ৰুৱ বৰাৰ নেতৃত্বত যোৱা আৰক্ষীৰ এটা অভিযানকাৰী দলে আজি অভিযান চলাই বৃহৎপৰিমাণৰ SAMPPLAX নামৰ নিষিদ্ধ নিচাযুক্ত কেপচুল জব্দ কৰিবলৈ সক্ষম হয়।
আৰক্ষীয়ে জব্দ কৰা প্ৰায় ৩ লাখ নিচাযুক্ত কেপচুলৰ বজাৰ মূল্য প্ৰায় ৪৫ লাখ টকা হ‘ব বুলি আৰক্ষী সুত্ৰই জানিবলৈ দিয়ে।
উক্ত নিষিদ্ধ কেপচুল খিনি ATC কুৰিয়াৰ ছাৰ্ভিছ নামৰ কুৰিয়াৰত নগাঁৱলৈ আহিছিল।
এই খৱৰ গোপন সূত্ৰে লাভ কৰি আজি আৰক্ষীয়ে ATC কুৰিয়াৰ চাৰ্ভিছত অভিযান চলাই উক্ত বৃহৎ পৰিমাণৰ নিচাযুক্ত কেপচুলখিনি জব্দ কৰিবলৈ সক্ষম হয়।
অভিযানৰ সময়ত আৰক্ষীয়ে কোনো লোকক গ্ৰেপ্তাৰ কৰিবলৈ সক্ষম হোৱা নাই যদিও সমগ্ৰ বিষয়টোৰ ওপৰত আৰক্ষীয়ে অনুসন্ধান অব্যাহত ৰাখিছে।