নগাঁও জিলাৰ চামগুৰিস্থিত ফুকনটোল নামঘৰত দুদিনীয়া কাৰ্যসূচীৰে পাল নাম অনুষ্ঠিত হৈ যায়। কাৰ্যসূচী অনুসৰি যোৱা ২৪ এপ্ৰিলৰ সন্ধিয়া আঠমান বজাৰ পৰা ২৫এপ্ৰিলৰ দুপৰীয়া ভাগলৈকে অনুষ্ঠিত হয় এই পাল নাম আৰু নাম প্ৰসংগ।
এই নাম প্ৰসংগ ভাগত নামাচাৰ্য্য হিচাপে উপস্থিত থাকে পুৰণিগুদাম লেটুগাম সত্ৰৰ সত্ৰাধিকাৰ কল্যাণ চন্দ্ৰ মহন্ত আৰু পাঠক হিচাপে উপস্থিত থাকে ননৈ এলেঙি সত্ৰৰ সত্ৰাধিকাৰ শিৱ কান্ত মহন্ত।
সমাজৰ অপায়-অমংগল নাশ কৰি ৰোগ ব্যাধিৰ পৰা মুক্ত কৰি বছৰটোলৈ শান্তি সম্প্ৰীতি অটুট ৰাখিবলৈ বিগত বৰ্ষৰ দৰেই এইবাৰো ব’হাগ মাহতেই চামগুৰি ফুকনটোল গাৱঁৰ আই মাতৃ, যুৱক-যুৱতী তথা ভক্ত প্ৰাণ ৰাইজ এক লগ হৈ ফুকনটোল নামঘৰত ২৪ আৰু ২৫এপ্ৰিলত অনুষ্ঠিত পাল নাম আৰু নাম প্ৰসংগই উপস্থিত ভক্ত প্ৰাণ ৰাইজক আধ্যাত্মিক দিশত উৎসাহিত কৰি তোলা পৰিলক্ষিত হৈছে।
উক্ত দুয়োটা কাৰ্যসূচীতে নগাঁও জিলাৰ ননৈ আৰু পুৰণিগুদাম অঞ্চলৰ ভক্ত গণ ক্ৰমে তৰুণ শইকীয়া, ধীৰেণ কলিতা, পদুম বৰা, কৃষ্ণ ভূঞা, জগৎ চন্দ্ৰ বেজবৰুৱা, পোনা বৰা, মহেশ্বৰ বৰা, কাতিৰাম কলিতা আৰু ঋষেশ্বৰ ভূঞা উপস্থিত থাকি পাল নাম আৰু নাম প্ৰসংগত সহযোগ কৰে বুলি সমাজ কৰ্মী চন্দ্ৰ বৰা আৰু ফুকনটোল নামঘৰৰ নামঘৰীয়া তথা শিল্পী পেঞ্চনাৰ মিলাৰাম গায়নে জানিবলৈ দিয়ে।
