Two big asteroids hurtling towards the Earth পৃথিৱীৰ দিশে গতি কৰি কোনো গ্ৰহাণু অহাৰ ঘটনা মাজে-সময়ে ঘটি থাকে। কিন্তু দুটা গ্ৰহাণু একে সময়তে পৃথিৱীৰ পিনে গতি কৰি অহা ঘটনা অতি বিৰল। তেনে এক অতি বিৰল ঘটনা অহা কেইদিনমানৰ ভিতৰত ঘটিবলৈ গৈ আছে!
২৯ জুলাই শুকুৰবাৰে কমেও ৪০০ ফুট ওখ এটা গ্ৰহাণু পৃথিৱীৰ দিশে গতি কৰি আহিব আৰু ই এই গ্ৰহটোৰ খুব কাষেৰে পৰা পাৰ হৈ যাব। এইটো কোৱা হৈছে যে সাম্প্ৰতিক সময়ত ইমান ডাঙৰ কোনো গ্ৰহাণু এনেধৰণে পৃথিৱীৰ ওচৰলৈ অহা নাই। আৰু প্ৰায় একে সময়তে আন এটা গ্ৰহাণুও পৃথিৱীৰ ওচৰলৈ আহি আছে। এইটো আকৌ প্ৰায় ৬০০ ফুট ওখ এক ভয়ানক আকৃতিৰ।
সকলোৰে বাবে চিন্তাৰ বিষয়টো হৈছে এই গ্ৰহাণুবোৰে অৱশেষত পৃথিৱীৰ সৈতে খুন্দা মাৰিব নেকি? যদি সংঘৰ্ষ ঘটে সি কিমান ভয়াৱহ হ’ব?
গ্ৰহাণু দুটাৰ নাম দিয়া হৈছে – ২০১৬চিজেড ৩১ আৰু ২০১৩চিইউ ৮৩। ইয়াৰ ভিতৰত ২০১৬চিজেড ৩১ গ্ৰহাণুটো ২৯ জুলাইত পৃথিৱীৰ কাষেৰে পাৰ হ’ব। কিন্তু পৃথিৱীৰ সৈতে ইয়াৰ দূৰত্ব হ’ব ২.৮ নিযুত কিলোমিটাৰ। সেইদৰে, পিছদিনা ৩০ জুলাইত ২০১৩চিইউ ৮৩ পৃথিৱীৰ দিশলৈ আহি আছে। ই আনটো গ্ৰহাণুতকৈ পৃথিৱীৰ বহু ওচৰলৈ আহি আছে। কিন্তু তৎস্বত্বেও এই গ্ৰহাণু আৰু পৃথিৱীৰ মাজত কমেও ৬.৯ নিযুত কিলোমিটাৰ দূৰত্ব থাকিব!
মহাকাশবিজ্ঞানীসকলে কৈছে যে এই দুটা গ্ৰহাণু দুটাৰ কোনোটোৰে পৃথিৱীৰ সৈতে খুন্দা লগাৰ সম্ভাৱনা নাই! অৱশ্যে তেওঁলোকে ব্যাখ্যা কৰা মতে গ্ৰহাণুৰ পাৰিপাৰ্শ্বিকতা যিকোনো সময়তে সলনি হ’ব পাৰে। সিহঁতৰ গতি বৃদ্ধি হ’ব পাৰে অথবা তেওঁলোকৰ দিশো সলনি হ’ব পাৰে। সেয়ে ইয়য়াৰ ওপৰত সুক্ষ্ম নিৰীক্ষণ অবিহনে সেইবোৰৰ বিষয়ে আগতীয়াকৈ জনাটো সম্ভৱ নহ’ব।
নাছাই এই দুটা গ্ৰহাণুক ‘সম্ভাৱ্য বিপজ্জনক'(পটেনশ্যিয়েলি ডেঞ্জাৰাছ) হিচাপে শ্ৰেণীবদ্ধ কৰিছে। ইয়াৰ অৰ্থ হৈছে যে সেইবোৰ যিকোনো মুহূৰ্তত বিপজ্জনক হৈ উঠিব পাৰে আৰু পৃথিৱীৰ সৈতেও সংঘৰ্ষ হ’ব পাৰে।
