অন্তহীন মহাকাশত অসীম ৰহস্য আৰু বিস্ময় লুকাই আছে! কোনে নাজানে এই কথা! প্ৰতি মুহূৰ্তত ঘটি আছে অদ্ভুত খেল। এতিয়া এনে এটা ৰহস্যময় বস্তু (অৱজেক্ট)মহাকাশত গতি কৰিছে… যিটো বিজ্ঞানীসকলে দেখি কোনো উৱাদিহেই পোৱা নাই! তেওঁলোকে বুজি পোৱা নাই যে বস্তুটো ধুমকেতু, গ্ৰহাণু নে আন কিবা!
প্ৰতি ঘণ্টাত ১০ লাখ মাইল বেগত গতি কৰা বস্তু এটাই এই গতিৰ বাবে যিকোনো মুহূৰ্ততে ক্ষুদ্ৰপথৰ তাৰকাৰাজ্যৰ পৰা সম্পূৰ্ণৰূপে ওলাই যাব পাৰে! বহুতে আমেৰিকাৰ ফেডাৰেল চৰকাৰৰ স্বতন্ত্ৰ সংস্থা নেচনেল এৰ’নটিক্স এণ্ড স্পেচ এডমিনিষ্ট্ৰেচন (নাছা)ৰ জৰিয়তে নাগৰিক বিজ্ঞানী হিচাপে কাম কৰে। তাৰে এজনে প্ৰথমে এই বিশাল বস্তুটো দেখিছিল।
বৰ্তমান ইয়াৰ নাম CWISE J1249, পৃথিৱীৰ পৰা ৪০০ আলোকবৰ্ষ দূৰত আৰু পৃথিৱীতকৈ ৩০,০০০ গুণ ডাঙৰ! সূৰ্য্যৰ ভৰৰ ৮ শতাংশ। আৰু এই বিশাল আকাৰটোৱেই বিজ্ঞানীসকলৰ মূৰৰ কামোৰণিৰ কাৰণ।
লগতে পঢ়কঃ অসমকে ধৰি ১৮খন ৰাজ্যৰ মুখ্য সচিবক উচ্চতম ন্যায়ালয়ৰ চমন, হাজিৰ নহ’লে গ্ৰেপ্তাৰী পৰোৱানা
ড. ডেৰেন বাস্কিল ছাচেক্স বিশ্ববিদ্যালয়ৰ জ্যোতিৰ্বিজ্ঞানৰ প্ৰবক্তা। তেওঁ কয় যে এনে দ্ৰুত গতিৰ নক্ষত্ৰ অস্বাভাৱিক। হাজাৰৰ ভিতৰত এটা বা দুটা নক্ষত্ৰহে এনে বেগেৰে গতি কৰি আছে। Zewan249 যি গতিৰে যাত্ৰা কৰি আছে, সেই বেগেৰে লাখ বছৰৰ পাছত আমাৰ মিল্কি ৱে গেলাক্সি এৰি গুচি যাব। লাখ লাখ বছৰ বৰ্তি থাকিব পৰা এনে নক্ষত্ৰৰ বাবে এই গতি চকুৰ পলকৰ দৰে।’
নাছাই বেকয়াৰ্ড ৱৰ্ল্ডছ, প্লেনেট নাইন নামৰ এটা প্ৰজেক্ট চলাই আছে। মাৰ্টিন কাবাটনিক, থমাছ পি বিকল আৰু ডায়েন কেছলেডেন নামৰ তিনিজন স্বেচ্ছাসেৱকে তাত কাম কৰি আছে। তেওঁলোকে নাছাৰ ৱাইড-ফিল্ড ইনফ্ৰাৰেড এক্সপ্ল’ৰাৰ (WISE) আৰু NEOWISE অভিযানৰ পৰা অনলাইনত Zewan249ৰ ছবি দেখিছে। তেওঁলোকে সেয়া দেখি নিজৰ উত্তেজনা ধৰি ৰাখিব নোৱাৰিলে।
লগতে পঢ়কঃ বিপদজনক! এন্টিবায়টিক, পেৰাচিটামলকে ধৰি ১৫৬টা ‘ককটেল’ ঔষধ নিষিদ্ধ কৰিলে কেন্দ্ৰই
কাবাটনিকে কয়, ‘মই কিমান ৰোমাঞ্চিত হৈছো ক’ব নোৱাৰো। এই বস্তুটো ইমান বেগেৰে গতি কৰা প্ৰথম দেখি মই ভাবিলোঁ যে ইয়াৰ আগতেও নিশ্চয় ইয়াৰ বিষয়ে অনুসন্ধান কৰা হৈছে।’ জেৱান ২৪৯ সন্দৰ্ভত নাছাৰ প্ৰেছ বিবৃতিত কাবাটনিকৰ উদ্ধৃতি দিয়া হৈছে। বিজ্ঞানীসকলে এই ৰহস্যময় বস্তুটোৰ প্ৰকৃত পৰিচয় কিমান সোনকালে জানিব পাৰে তালৈ অপেক্ষা কৰা হৈছে!
