বজাৰত চলি থকা বহু ঔষধ নিষিদ্ধ কৰাৰ কথা পুনৰ ঘোষণা কৰিছে কেন্দ্ৰই। এইবাৰ সংখ্যা ১৫৬ টা। এই ১৫৬ টা ‘ককটেল ড্ৰাগছ’ গুণগত পৰীক্ষাত ব্যৰ্থ হোৱাৰ বাবে মোডী চৰকাৰে নিষেধাজ্ঞা আৰোপ কৰিছে। বৃহস্পতিবাৰৰ পৰা এই ঔষধ নিষিদ্ধ কৰা হৈছে। কেন্দ্ৰই জানিবলৈ দিছে যে এই ঔষধবোৰ শৰীৰৰ বাবে বিপদজনক হ’ব পাৰে।
কেন্দ্ৰই যিবোৰ ঔষধ নিষিদ্ধ কৰিছে সেইবোৰ হৈছে ড’জ কম্বিনেচন বা ‘ককটেল ড্ৰাগছ’। ককটেল ঔষধে সাধাৰণতে এটা ঔষধত বহুতো ঔষধৰ সংমিশ্ৰণক বুজায়। কিন্তু বিশেষজ্ঞ সমিতিয়ে এই ঔষধ ৰোগীসকলৰ বাবে বিপদজনক বুলি ধৰা পেলায়। সেই প্ৰতিবেদনৰ পিছতে মোডী চৰকাৰে এই ঔষধ নিষিদ্ধ কৰাৰ সিদ্ধান্ত লয়। অভিযোগ অনুসৰি উপযুক্ত বৈজ্ঞানিক তথ্য অবিহনে বহু ঔষধ কোম্পানীয়ে এই ঔষধ প্ৰস্তুত কৰি আছে।
মুঠতে এই তালিকাত আছে ১৫৬ টা ড্ৰাগছ। ইয়াৰ ভিতৰত বজাৰত উপলব্ধ এন্টিবায়টিক আৰু পেইন কিলাৰৰ সংমিশ্ৰণ। কেন্দ্ৰৰ সিদ্ধান্ত অনুসৰি মেফেনামিক এচিড + পেৰাচিটামল ইনজেকচন, লেভ’চেটিৰিজিন + ফেনাইলফ্ৰিন এইচ চি এল + পেৰাচিটামল, কেমিলোফেন ডাইহাইড্ৰ’ক্লৰাইড ২৫মিলিগ্ৰাম + পেৰাচিটামল ৩০০মিলিগ্ৰাম, পেৰাচিটামল + ক্ল’ৰফেনিৰামিন মেলেট + ফেনাইলপ্ৰ’পেন’লামাইনকে ধৰি কেইবাবিধো ঔষধ নিষিদ্ধ কৰা হৈছে।
লগতে পঢ়কঃ চিঙৰা নাথাকিলে আড্ডা নজমে! পিছে জানেনে ইয়াৰ ইংৰাজী নাম? ৯৯% মানুহে নাজানে উত্তৰ!
উল্লেখ্য যে যোৱা বছৰো কেন্দ্ৰই গুণগত কাৰণত ১৪টা ককটেল ঔষধ নিষিদ্ধ কৰিছিল। ইয়াত সাধাৰণ সংক্ৰমণ, চৰ্দি আৰু জ্বৰৰ ঔষধ আছিল। নিমেছুলাইড+ পেৰাচিটামল ডিছপাৰৰ্ছিবল টেবলেট, এমোক্সিচিলিন+ব্ৰমহেক্সিনৰ দৰে ককটেল। যোৱা বছৰৰ আৰম্ভণিতে দেশত বহুলভাৱে ব্যৱহৃত ৪৮টা ঔষধ গুণগত পৰীক্ষাত ব্যৰ্থ হৈছিল। তাৰ ভিতৰত হাৰ্ট মেডিচিন, ডায়েবেটিছ, প্ৰেচাৰৰ পৰা মাল্টিভিটামিন আদিলৈকে ঔষধ আছিল। পৰীক্ষাত ঔষধৰ উপাদানসমূহৰ লগত ভেজাল হোৱা দেখা যায়।
