শুনি আপোনাৰ চকু কপালত উঠিব। অসমৰ মুখ্য মন্ত্ৰী সৰ্বানন্দ সোণোৱাল হেনো ৬টা সন্তানৰ পিতৃ। এই খৱৰ প্ৰচাৰ কৰিছে এটা ৰাষ্ট্ৰীয় সংবাদ মাধ্যমে।
মুখ্য মন্ত্ৰীগৰাকীক ৬টা সন্তানৰ পিতৃ বুলি ৰাষ্ট্ৰীয় সংবাদ মাধ্যম প্ৰকাশিত বাতৰিটোৱে ইতিমধ্যে তীব্ৰ প্ৰতিক্ৰিয়াৰ সৃষ্টি কৰিছে।
উল্লেখযোগ্য যে দুদিন পূৰ্বে সোণোৱাল চৰকাৰৰ কেবিনেটে ২০২১ চনৰ পাছত দুটাতকৈ অধিক সন্তান থকা সকলে চৰকাৰী চাকৰিৰ সুবিধা নাপাব বুলি সিদ্ধান্ত গ্ৰহণ কৰিছিল।
কেবিনেটৰ এই সিদ্ধান্তৰ পাছতে ৰাজ্যৰ লগতে ৰাষ্ট্ৰীয় সংবাদ মাধ্যমতো বিষয়টোক লৈ চৰ্চা চলিছে।
ইয়াৰ মাজতেএন ডি টিভি নামৰ ৰাষ্ট্ৰীয় চেনেলটোৱে প্ৰকাশ কৰিছিল এটা বাতৰি।
সোণোৱাল চৰকাৰৰ কেবিনেটৰ উক্ত সিদ্ধান্ত সন্দৰ্ভত বাতৰি প্ৰকাশ কৰি ৰাষ্ট্ৰীয় সংবাদ মাধ্যমটোৰ সোনাল মেহৰোত্ৰা কাপুৰ নামৰ এংকৰ গৰাকীয়ে টিপ্পনী কৰি কয় যে মুখ্য মন্ত্ৰী সোণোৱালৰ নিজৰেই ৬টা সন্তান আছে আৰু সেইজন মুখ্য মন্ত্ৰীয়েই এনে এক সিদ্ধান্ত গ্ৰহণ কৰিছে।
ৰাষ্ট্ৰীয় সংবাদ মাধ্যমৰ এনে বাতৰি পাছতেই এংকৰ গৰাকীৰ এনে কাণ্ডক লৈ প্ৰশ্ন উত্থাপন হৈছে।
অবিবাহিত মুখ্য মন্ত্ৰীক লৈ এনে ভুৱা তথ্যৰে বাতৰি পৰিৱেশন কৰা বিষয়টোৱে স্বাভাৱিকতে বিভিন্ন মহলত তীব্ৰ প্ৰতিক্ৰিয়াৰ সৃষ্টি কৰিছে।
এগৰাকী মুখ্য মন্ত্ৰীৰ সন্দৰ্ভত এনে এক বাতৰি পৰিৱেশন কৰা সংবাদ প্ৰতিষ্ঠানটোৱে অৱশ্যে এতিয়ালৈকে ভুল স্বীকাৰ কৰা নাই।
