মুক্তিৰ অপেক্ষাত তথ্যচিত্ৰ ‘নয়নতৰা: বিয়ণ্ড দ্য ফেয়াৰী টেল’। পৰিচালক-অভিনেত্ৰী নয়নতৰা নিজেই অতি আগ্ৰহেৰে অপেক্ষা কৰি আছে। সেই অপেক্ষাৰ আনন্দত পানী ঢালি দিলে আন এজন দক্ষিণৰ অভিনেতা ধনুষে। তেওঁ অভিযোগ কৰে যে তথ্যচিত্ৰখনত ধনুষ প্ৰযোজিত ‘নানুম ৰাউডী ধান’ ছবিখনৰ এটা সৰু ক্লিপ তিনি ছেকেণ্ডৰ বাবে ব্যৱহাৰ কৰা হৈছে। এই ছবিখনত নয়নতৰাই নায়িকাৰ চৰিত্ৰত অভিনয় কৰিছিল।
অভিনেতাজনে দাবী কৰে যে তেওঁৰ অনুমতি অবিহনে এই ক্লিপ ব্যৱহাৰ কৰা হৈছে। ইয়াৰ পিছত প্ৰযোজক-অভিনেতাজনে তেওঁক ১০ কোটি টকাৰ আইনী জাননী প্ৰেৰণ কৰে।
এইবাৰ এখন মুকলি চিঠি যোগে তেওঁক উত্তৰ দিয়ে নায়িকাগৰাকীয়ে। ‘জোৱান’ৰ নায়িকাগৰাকীয়ে ৰাজহুৱাভাৱে ধনুষৰ চৰিত্ৰৰ পিনেও আঙুলিয়াই দিলে!
মাত্ৰ তিনি ছেকেণ্ডত ১০ বছৰ পুৰণি ছবি এখনৰ কিমানখিনিয়ে বা দেখা যায়? মুকলি চিঠিখনত এইটোৱেই আছিল নায়িকাৰ প্ৰথম প্ৰশ্ন। তেওঁ কয়, “আপুনি নিজকে যিমান দেখুৱাইছে সিমান মুঠেও নহয়।” কাৰণ, নিজকে ফোপজহাই দেখুৱাবলৈ অলপ বেছিকৈ কয়। এয়াইতো আপোনাৰৰ চৰিত্ৰ!”
ক্ষুব্ধ নয়নতৰাই দাবী কৰে যে ছবিৰ প্ৰচাৰৰ সময়ত ধনুষে নিজৰ প্ৰকৃত ৰূপ বহুখিনি লুকুৱাই ৰাখে। সাধাৰণ অনুৰাগীৰ আগত তেওঁ যিখিনি তুলি ধৰে সেয়া প্ৰকৃত ধনুষ নহয়। আইনী বাৰ্তাই তাৰ প্ৰমাণ।
নয়নতৰাই লগতে লিখিছে যে ধনুষে হেনো যোৱা ১০ বছৰ ধৰি এই কামটোৱে কৰি আহিছে। কিন্তু পৰ্দাৰ আঁৰত ব্লকবাষ্টাৰ ছবিখনৰ বিষয়ে প্ৰযোজক-অভিনেতাগৰাকীয়ে কৰা সকলো ভয়ংকৰ মন্তব্যৰ প্ৰতি অৱগত অভিনেত্ৰীগৰাকী। ২০১৬ চনত এই ছবিখনেই ধনুষলৈ বঁটা কঢ়িয়াই আনিছিল। আনকি বঁটাৰ মঞ্চতো প্ৰযোজকৰ উত্তেজনাক ছাঁ পেলাই ৰাখিছিল তেওঁৰ অসন্তুষ্টিয়ে!
ইয়াতেই শেষ নহয়। অভিনেত্ৰীগৰাকীয়ে লগতে অভিযোগ কৰে যে, ‘তিনি চেকেণ্ডৰ ক্লিপ দেখুৱাবলৈ অনুমতিৰ বাবে আপোনাৰ সৈতে প্ৰায় আঢ়ৈবছৰ ধৰি যুঁজিবলগীয়া হৈছে। তাৰ পিছতো মই আপোনাৰ অনুমতি নাপালোঁ! শেষত সকলো অংশ আঁতৰাই ছ’চিয়েল মিডিয়াৰ পৰা ছবিখনৰ সৰু অংশ এটা লৈছিলোঁ৷ তাৰ পিছতো ইমান কাণ্ড!”
ধনুষক কটাক্ষ কৰিবলৈও এৰা নাই নয়নতাৰাই। তেওঁ লিখিছে, “আপোনাৰ মনৰ মধুৰতাৰে কৰা এই ভুৱা অভিযোগ পৰৱৰ্তী ছবিখনৰ প্ৰচাৰত কামত আহিব। সেই সময়ৰ বাবে ধনুষে যেন এই তীৰ সযতনে সাঁচি ৰাখে।”
নয়নতৰাই লগতে কয় যে কিছুমান মানুহ আছে যিয়ে আনক তুচ্ছজ্ঞান কৰি ভাল পায়। তেওঁলোকৰ দলত আছে প্ৰযোজক-অভিনেতাগৰাকী। তেওঁৰ তথ্যচিত্ৰখনত নয়নতৰাই আনৰ সুখত সুখী হোৱা মানুহৰ কাহিনী বৰ্ণনা কৰিছে।
