উচ্চতম ন্যায়ালয়ৰ নিৰ্দেশ অনুসৰি ৩ আগষ্টত এটা বেলাত অনুষ্ঠিত হ’ব NEET-PG 2025। প্ৰশ্নকাকতৰ কঠিনতাৰ সম্ভাৱ্য তাৰতম্যৰ বাবে অন্যায় হোৱা বুলি গণ্য কৰা দুটা শ্বিফটৰ ফৰ্মেটক প্ৰত্যাহ্বান জনাই আবেদন কৰাৰ পিছতে এই সিদ্ধান্ত গ্ৰহণ কাৰিছে।
১৪ নং অনুচ্ছেদৰ অধীনত সমতাৰ ওপৰত গুৰুত্ব আৰোপ কৰি আদালতে চিকিৎসা বিজ্ঞানৰ আকাংক্ষী আৰু কৰ্মীসকলে উত্থাপন কৰা উদ্বেগসমূহৰ প্ৰতি লক্ষ্য ৰাখি ২ লাখ ৪২ হাজাৰৰো অধিক পৰীক্ষাৰ্থীৰ বাবে একেধৰণৰ আৰু স্বচ্ছ পৰীক্ষা প্ৰক্ৰিয়া নিশ্চিত কৰিবলৈ ৰাষ্ট্ৰীয় চিকিৎসা বিজ্ঞান পৰীক্ষা ব’ৰ্ডক নিৰ্দেশ দিছে।
উল্লেখ্য যে প্ৰথমে ১৫ জুনত অনুষ্ঠিত হ’বলগীয়া এই পৰীক্ষাটো পিছুৱাই দিয়া হৈছিল যাতে এনবিইএমএছ আৰু ইয়াৰ অংশীদাৰ টাটা কনছালটেন্সি চাৰ্ভিচেছে পৰীক্ষা কেন্দ্ৰৰ সংখ্যা দুগুণ কৰি নিৰাপদ আৰু সুলভ স্থান নিশ্চিত কৰিব পাৰে।
উচ্চতম ন্যায়ালয়ে ২০২৫ চনৰ ৬ জুনত নতুন তাৰিখত অনুমোদন জনাইছিল যদিও আৰু অধিক পলম নকৰিবলৈ সকীয়াই দিছিল। প্ৰাৰ্থীসকলে শীঘ্ৰে নতুন এডমিট কাৰ্ড আৰু পৰীক্ষা কেন্দ্ৰৰ সবিশেষ তথ্য লাভ কৰিব।
