মায়ানগৰী মুম্বাইত সম্পন্ন হৈছে বলিউডৰ জনপ্ৰিয় গায়িকা নেহা কক্কৰ আৰু জনপ্ৰিয় গায়ক উদিত নাৰায়ণৰ একংৰ তথা গায়ক পুত্ৰ আদিত্য নাৰায়ণৰ বিবাহ!
নেহা কক্কৰৰ এটা ভিডিঅ’ চ’ছিয়েল মিডিয়াত ভাইৰেল হোৱাৰ লগে লগেই বহু চৰ্চিত এই হাই ভল্টেজ বিবাহখনক লৈ ব্যাপক চৰ্চা হোৱাৰ পৰলক্ষিত হৈছে মায়া নগৰী মুম্বাইত।
উল্লেখ্য যে নেহা কক্কৰে ইনষ্টাগ্ৰামত শ্বেয়াৰ কৰা এটা ভিডিঅ’টোত দেখা গৈছে দুয়োৱে বিবাহপাশত বন্দী হোৱাৰ দৃশ্য!
উল্লেখ্য যে নেহা কক্কৰ আৰু আদিত্য নাৰায়ণৰ বিবাহক লৈ বিগত কিছুদিন ধৰি যথেষ্ট চৰ্চা চলি আছিল যদিও বিবাহসম্পন্ন হোৱা খবৰ নিশ্চিত হোৱা নাই।
ইপিনে ছ’নী টিভিৰ জনপ্ৰিয় সংগীত ৰিয়েলিটি শ্ব’ ইণ্ডিয়ান আইড’লৰ একাদশ সংস্কৰণত বিচাৰক বিশাল দাদ্লানি আৰু শ্ব’ৰ প্ৰতিযোগীসকলৰ উপস্থিতিত এই বিবাহ সম্পন্ন হোৱা বুলি চৰ্চা লাভ কৰিছে সংবাদ মাধ্যমত।
নেহা কক্কৰে ইনষ্টাগ্ৰামত শ্বেয়াৰ কৰা ভিডিঅ’টোত ইণ্ডিয়ান আইড’লৰ চেটত পৰম্পৰাগত পোছাক পৰিহিত দুয়োজনে ইজনে সিজনক মালা পিন্ধোৱা দেখা গৈছে। য’ত আদিত্য নাৰায়ণ আৰু নেহা কক্কৰক অতি সুখী হোৱা দেখা গৈছে।
ইফালে আদিত্য নায়াৰণৰ পিতৃ বলিউডৰ জনপ্ৰিয় কণ্ঠশিল্পী উদিত নাৰায়ণে বিবাহৰ এই খবৰক নস্যাৎ কৰিছে। তেওঁ কয় যে এয়া ‘মিডিয়াৰ টি আৰ পি লাভৰ দৌৰ’ৰ এক ষ্টাণ্টহে। উদিত নাৰায়ণক এই সংক্ৰান্তত সোধা এক প্ৰশ্ন উত্তৰত কয় যে, আদিত্য বিবাহ পাশত আৱদ্ধ হ’লে তেওঁ অতি সুখীহে হ’ব।
‘আদিত্য হৈছে আমাৰ একমাত্ৰ সন্তান। তেৱঁৰ বিয়াখনৰ বাবে আমি অতি আগ্ৰহেৰে ৰৈ আছোঁ। যদি এই বিয়াৰ গুজৱ সত্য হয় তেনে পিতৃ-মাতৃ হিচাপে আমি অতিশয় সুখী হ’ম। কিন্তু আদিত্যই এতিয়াও আমাক এই বিষয়ে একো কোৱা নাই।’ এই বুলি কয় আদিত্যৰ পিতৃ উদিত নাৰায়ণে।
লগতে তেওঁ আৰু কয় যে, ‘মই ভাবোঁ ইণ্ডিয়ান আইডলৰ টি আৰ পি বঢ়োৱাৰ স্বাৰ্থত এই বিয়াৰ গুজৱ উলিওৱা হৈছে, য’ত নেহা কক্কৰ বিচাৰক আৰু আমাৰ পুত্ৰ একংৰ হিচাপে দায়িত্ব পালন কৰি আছে। মই আশা কৰোঁ এই বিয়াৰ গুজৱ সত্য প্ৰমাণিত হওক। নেহা এগৰাকী অতি ভাল আৰু সুন্দৰী ছোৱালী।তাইক বোৱাৰী হিচাপে পালে আমি অতিশয় সুখী হ’ম।’
