ঠিক কিমান উচ্চ ৰক্তচাপ উঠিলে চিকিৎসকৰ ওচৰলৈ যাব? বা চিকিৎসকে কেতিয়া বুজিব যে আপুনি উচ্চ ৰক্তচাপত আক্ৰান্ত? এই তথ্য আগৰ তুলনাত বহু পৰিৱৰ্তন হৈছে। নতুন তথ্য অনুসৰি উচ্চ ৰক্তচাপৰ ভিত্তি ৰেখা (বেচলাইন)এতিয়া ১৪০/৯০।
শেহতীয়াকৈ ইউৰোপীয় ছ’চাইটি অৱ কাৰ্ডিঅ’লজিয়ে এই সন্দৰ্ভত গোল্ডেন ৰুল প্ৰকাশ কৰিছে। কাৰণ হিচাপে কোৱা হৈছে মানুহৰ আয়ুস বৃদ্ধি হৈছে। বহু কঠিন ৰোগৰ ঔষধ ওলাইছে। পলমকৈ হ’লেও মানুহ সুস্থ হৈ উঠিছে।
এই তথ্যসমূহ ভালদৰে পৰীক্ষা কৰাৰ পিছত ইউৰোপীয় ছ’চাইটি অৱ কাৰ্ডিঅ’লজিয়ে উচ্চ ৰক্তচাপৰ বাবে নতুন ভিত্তি ৰেখা প্ৰকাশ কৰে। অৱশ্যে ইউৰোপীয় ছ’চাইটি অৱ কাৰ্ডিঅ’লজিৰ নতুন গাইডলাইনে ভাৰতত কিছু বিতৰ্কৰ সৃষ্টি কৰিছে।
লগতে পঢ়কঃ গা ধোৱাৰ সময়ত হয় বেছিভাগ হাৰ্ট এটেক! এইবোৰ কথা জানিলে ৰক্ষা কৰিব পাৰিব বহুতৰে জীৱন
প্ৰথম অৱস্থাত ইউৰোপিয়ান ছ’চাইটি অৱ কাৰ্ডিঅ’লজিয়ে ১২০/৮০ ৰক্তচাপৰ মানদণ্ড বুলি উল্লেখ কৰিছিল। অৰ্থাৎ সেই উচ্চ ৰক্তচাপৰ পৰা ব্যক্তিজনৰ বিপদৰ আশংকা কম। চেৰিব্ৰেল ষ্ট্ৰোকত হাৰ্ট এটেক হোৱাৰ সম্ভাৱনা কম। যদিহে বংশগত সমস্যা নাথাকে।
কিন্তু সেই দিনটো শেষ। ইয়াৰ পিছত ১৩০/৮০ হ’ল। সেই নিয়ম ইণ্ডিয়ান ছ’চাইটি অৱ কাৰ্ডিঅ’লজিয়েও মানি লৈছে। কিন্তু ইণ্ডিয়ান ছ’চাইটি অৱ কাৰ্ডিঅ’লজিয়ে ১৪০/৯০ৰ এই তথ্য মানি ল’বলৈ ইচ্ছুক নহয়।
এগৰাকী ভাৰতীয় হৃদৰোগ বিভাগৰ অধ্যাপকৰ মতে, “বয়সৰ লগত ৰক্তচাপৰ তাৰতম্য ঘটে। ৬০ বছৰৰ কম কিন্তু যদি ৰক্তচাপ ১৪০/৯০ হয় তেন্তে তেওঁক চিকিৎসাৰ প্ৰয়োজন। আন একো কৰাটো সম্ভৱ নহয়।
লগতে পঢ়কঃ মিছা কথা ক’লে শৰীৰৰ কোনটো অংশ গৰম হয়? জানিলে মিছলীয়াজনক সহজেই ধৰিব পাৰিব
আন এগৰাকী অধ্যাপকৰ মতে, “ৰক্তচাপৰ সৈতে জীয়াই থকা, যদি কোনো বংশগত সমস্যা থাকে, তেন্তে ৬০ বছৰৰ তলৰ লোকসকলে চিকিৎসকৰ পৰামৰ্শ ল’ব লাগিব। ৩০ বছৰৰ তলৰ বহু লোকৰ ৰক্তচাপ ১৪০/৮০ বা ৯০। নিয়মীয়াকৈ ঔষধ খাব লগা হয়। আন ঠাইত যিকোনো দুৰ্ঘটনা হ’ব পাৰে। কিন্তু বয়স ৬০ বছৰতকৈও অধিক কিন্তু যদি ৰক্তচাপ ১৪০/৯০ হয় তেন্তে কোনো ভয় নাই।”
মুঠ কথাটো হ’ল সাৱধান হোৱা। চিকিৎসকে কয় যে ত্ৰিশ বছৰ বয়সৰ পিছত মাহত এবাৰ হ’লেও ৰক্তচাপ জুখিব লাগে।
