দুৰ্ঘটনাৰ পৰা ৰক্ষা পাবলৈ উপলব্ধ হ’ল ৰন্ধন গেছৰ সৰবৰাহ স্বয়ংক্ৰিয়ভাবে বন্ধ কৰি দিব পৰা ৰেগুলেটৰ

আজি গুৱাহাটী প্ৰেছ ক্লাৱত আই জি টি নৰ্থ ইষ্ট (IGT Northeast) ৰ এখন সংবাদলে আয়োজন কৰা হয়।
উক্ত সংবাদমেলখনত আই জি টি নৰ্থ ইষ্টৰ প্ৰচাৰক হিতেশ দাসে সাংবাদিকক সম্বোধন কৰে।

সংবাদমেলত তেওঁ কয় “বর্তমান সময়ত আমি প্ৰায়ে ঘৰত ব্যৱহাৰ কৰা এল. পি. জি. চিলিণ্ডাৰৰ পৰা হোৱা দুৰ্ঘটনাবোৰ দেখা আৰু শুনা পাই আহিছো। যাৰ ফলত সম্পত্তিৰ ক্ষয়- ক্ষতিৰ লগতে বহু মানুহ বিকলাঙ্গ হৈছে আৰু মৃত্যুবৰণো কৰিবলগীয়া হৈছে।”

“তথাপিটো এল. পি. জি. (LPG) ব্যৱহাৰ নকৰাকৈ বৰ্তমান সময়ত কোনেও জীৱন যাপন কৰিব নোৱাৰে। সেয়েহে চৰকাৰৰ অনুমোদন লৈ আই. এছ. আই (ISI) স্বীকৃতিপ্রাপ্ত ভাৰতৰ হায়দৰাবাদত Integrated Gas Contoal Technology নামে এটি কোম্পানী প্রতিষ্ঠা কৰে। এই প্রতিষ্ঠানটোৱে IGT LPG Safety নামেৰে এটা ৰেগুলেটৰ প্রস্তুত কৰে।” সংবাদমেলত কয় প্ৰতিষ্ঠানটোৰ প্ৰচাৰক হিতেশ দাসে।

বহু আগৰে পৰা ভাৰতৰ বাহিৰে বিশ্বৰ বহুকেইখন আগশাৰীৰ দেশত এই ৰেগুলেটৰটো ব্যৱহাৰ কৰি আহিছে বুলি তেওঁ জানিবলৈ দিয়ে।

এই ৰেণ্ডলেটৰটোৱে এল. পি. জি. (LPG) চিলিণ্ডাৰৰ পৰা হবলগীয়া দুৰ্ঘটনাৰ পৰা সম্পূৰ্ণৰূপে সুৰক্ষা প্রদান কৰে বুলি তেওঁ জনায়।

তেওঁ আৰু কয় “যদি আমি ব্যৱহাৰ কৰা এল. পি. জি. চিলিণ্ডাৰ বা গেছৰ সংযোগ হোৱা নলী বা চৌকাত লিকেজ হয় তেনেহ’লে এই ৰেণ্ডলেটৰটোৱে চিলিণ্ডাৰৰ পৰা ওলোৱা গেছ স্বয়ংক্রিয়ভাবে বন্ধ কৰি দিয়ে”।

যাৰফলত হ’বলগীয়া দুৰ্ঘটনাৰপৰা হাত সাৰিব পাৰি বুলি তেওঁ সদৰী কৰে। তেওঁ লগতে কয় “অসমৰ লগতে উত্তৰ পূৱৰ সকলো অঞ্চলত এই ৰেগুলেটৰটো উপলব্ধ কৰিবৰ বাবে গুৱাহাটীৰ মালিগাঁওত উত্তৰ পূৱৰ মুখ্য কাৰ্য্যলয়টো স্থাপন কৰা হৈছে।

সবিশেষ জানিবৰ বাবে এই 6901413221 ফোন নম্বৰত যোগাযোগ কৰিব পাৰে বুলি তেওঁ জনায়।