অ’মিক্ৰণ সংক্ৰমণৰ আশংকাত জৰুৰীকালীন অৱস্থা জাৰি নিউয়ৰ্কত

দক্ষিণ আফ্ৰিকাত চিনাক্ত কৰা সম্ভাৱ্য অধিক সংক্ৰামক নতুন ক’ভিদ প্ৰজাতি অ’মিক্ৰনৰ বিস্তাৰৰ আশংকাৰ মাজতে নিউয়ৰ্কৰ গভৰ্ণৰ কেথি হোচুলে ৰাজ্যখনত জৰুৰীকালীন অৱস্থা জাৰি কৰিছে।

“নিউয়ৰ্কে এপ্ৰিল ২০২০-ৰ পৰা ৰাজ্যখনে দেখা নোপোৱা হাৰত ক’ভিদ-19ৰ ভয়াৱহ অভিজ্ঞতা লাভ কৰিছে। আনহাতে যোৱা মাহত কোভিড-19 আক্ৰান্ত ৰোগীৰ চিকিৎসালয়ত ভৰ্তি হোৱাৰ হাৰ দিনে ৩০০ ৰো অধিক বৃদ্ধি হৈ আহিছে। মই ইয়াৰ দ্বাৰা ১৫ জানুৱাৰী, ২০২২ ৰ ভিতৰত সমগ্ৰ নিউয়ৰ্ক ৰাজ্যৰ বাবে ৰাজ্যিক দুৰ্যোগ জৰুৰী অৱস্থা ঘোষণা কৰিছো।” গভৰ্ণৰৰ কাৰ্যবাহী আদেশত কোৱা হয়।

জৰুৰীকালীন অৱস্থাই নিউয়ৰ্কত চিকিৎসালয়ৰ ক্ষমতা বৃদ্ধি কৰিব আৰু ক’ভিদ-19 ৰ বিস্তাৰ প্ৰতিহত কৰিবলৈ টিকাকৰণপ্ৰচেষ্টাত সহায় কৰিব।

দক্ষিণ আফ্ৰিকাত ধৰা পৰা নতুন অ’মিক্ৰন কৰ’ণা ভাইৰাছৰ প্ৰকাৰক লৈ উদ্বেগৰ মাজতে হোচুলে জৰুৰীকালীন অৱস্থা জাৰি কৰিছে। আমেৰিকা যুক্তৰাষ্ট্ৰ, কানাডা আৰু বহুতো ইউৰোপীয় দেশে বিদেশী নাগৰিকৰ ভ্ৰমণৰ ওপৰত নতুন নিষেধাজ্ঞা আৰোপ কৰিছে।