যাত্ৰীসকলৰ বাবে চাপমুক্ত আৰু আৰামদায়ক যাত্ৰা নিশ্চিত কৰাৰ উদ্দেশ্যৰে নৰ্থ-ইষ্ট ফ্ৰন্টিয়াৰ ৰেল’ৱেই টিকট পৰীক্ষাৰ তীব্ৰতৰ কৰি তুলিছে। টিকটবিহীন আৰু অনিয়মিত ভ্ৰমণৰ ওপৰত চলোৱা অভিযানে উল্লেখযোগ্য ফলাফল দিছে, ২০২৪ চনৰ এপ্ৰিলৰ পৰা ডিচেম্বৰৰ ভিতৰত ৫.৭ লাখৰো অধিক ভ্ৰমণকাৰী ধৰা পেলাইছে, যাৰ ফলত প্ৰায় ৪৮.১১ কোটি টকাৰ জৰিমনা সংগ্ৰহ হৈছে।
ইয়াৰ উপৰিও এনএফআৰে ৰে’লৱে দণ্ডাধীশৰ সৈতে ৪৪৮ জন ব্যক্তিৰ বিৰুদ্ধে গোচৰ চলোৱা হয়, ৩৮০ জন ব্যক্তিক ৰেলৱে আইনৰ বিধান উলংঘা কৰাৰ বাবে দোষী সাব্যস্ত কৰা হয়।
ৰেলৱে কৰ্তৃপক্ষই পুনৰ কয় যে বৈধ টিকট অবিহনে যাত্ৰা কৰা বা অনুমোদিত যাত্ৰাৰ দূৰত্ব অতিক্ৰম কৰা যাত্ৰীসকলক ৰেলৱে আইন ১৯৮৯ৰ অধীনত শাস্তি আৰু বিচাৰৰ আওতালৈ অনা হয়।যি ক্ষেত্ৰত যাত্ৰীসকলে জৰিমনা আদায় দিবলৈ অস্বীকাৰ কৰে, তেনে ক্ষেত্ৰত আইনী ব্যৱস্থা গ্ৰহণ কৰিব পাৰে।
অসুবিধাৰ পৰা হাত সাৰিবলৈ এনএফআৰে যাত্ৰীসকলক উপযুক্ত টিকট আৰু বৈধ পৰিচয় পত্ৰ লৈ যাত্ৰা কৰিবলৈ আহ্বান জনাইছে। অতিৰিক্ত সুবিধাৰ বাবে এতিয়া ভ্ৰমণকাৰীসকলে এণ্ড্ৰইড আৰু আই অ’ এছ প্লেটফৰ্মত উপলব্ধ আনৰিজাৰ্ভড টিকটিং চিষ্টেম (ইউটিএছ) মোবাইল এপৰ জৰিয়তে অসংৰক্ষিত টিকট বুকিং কৰিব পাৰিব।
