ছেপ্টেম্বৰ মাহত যাত্ৰীৰ ভিৰৰ প্ৰতি লক্ষ্য ৰাখি উত্তৰ-পূব সীমান্ত ৰেইলৱে কৰ্তৃপক্ষই দুখন ৰে’লত অতিৰিক্ত ডবা সংযোজনৰ সিদ্ধান্ত লৈছে।
অহা ৪ অক্টোবৰৰ পৰা দুৰ্গা পূজা আৰম্ভ হ’ব আৰু ইয়াৰ পৰিপ্ৰক্ষিতত ৰেইলসমূহত যাত্ৰীৰ ভিৰ বৃদ্ধি পোৱাৰ আশা কৰা হৈছে।
সেয়েহে, উত্তৰ-পূব সীমান্ত ৰেইলৱে কৰ্তৃপক্ষই আগতীয়াকৈ দুখন ৰে’লত অতিৰিক্ত ডবা সংযোজন কৰাৰ সিদ্ধান্ত লৈছে।
Additional AC 3-Tier coach added to two trains for benefit of travellers. pic.twitter.com/GSUVcLfKn3
— N. F. Railway (@RailNf) September 2, 2019
উদইপুৰৰ পৰা জলপাইগুৰি আৰু উদইপুৰৰ পৰা গুৱাহাটীৰ কামাখ্যা ষ্টেশ্যনলৈ যাত্ৰা কৰা ৰে’ল দুখনত ছেপ্টেম্বৰ মাহতে অতিৰিক্ত ডবা সংযোজন কৰা হ’ব।
অতিৰিক্ত ডবা সংযোজন কৰিবলগীয়া এখন ৰেইল হৈছে – ১৯৬০১/১৯৬০২ নং উদইপুৰ চিটি-নিউ জলপাইগুৰি-উদইপুৰ চিটি এক্সপ্ৰেছ।
আনখন ৰেইল হৈছে ১৯৭০৯/১৯৭১০ উদইপুৰ চিটি-কামাখ্যা-উদইপুৰ চিটি কবিগুৰু এক্সপ্ৰেছ।
দুয়োখন ৰেইল নিৰ্দিষ্ট দিনত যাত্ৰা কৰিব।
এ চি থ্ৰী টাইয়াৰ যুক্ত ১৯৬০১/১৯৬০২ নং উদইপুৰ চিটি-নিউ জলপাইগুৰি-উদইপুৰ চিটি এক্সপ্ৰেছ ৰেইলখন অতিৰিক্ত ডবা সংযোজনেৰে অহা ৭ ছেপ্টেম্বৰৰ পৰা ২৮ ছেপ্টেম্বৰকৈ উদইপুৰৰ পৰা চলিব।
তদুপৰি, ৰেইলখন অতিৰিক্ত ডবাৰ সৈতে নিউ জলপাইগুৰিৰ পৰা ৯ ছেপ্টেম্বৰৰ পৰা ৩০ ছেপ্টেম্বৰলৈকে চলিব।
আনহাতে, টু টাইয়াৰ এ চি যুক্ত ১৯৭০৯/১৯৭১০ উদইপুৰ চিটি-কামাখ্যা-উদইপুৰ চিটি কবিগুৰু এক্সপ্ৰেছ ৰেইলখন উদইপুৰৰ পৰা ছেপ্টেম্বৰৰ ২ তাৰিখৰ পৰা ছেপ্টেম্বৰৰ ৩০ তাৰিখলৈ চলিব।
তদুপৰি, ৰেইলখন অতিৰিক্ত ডবাৰ সৈতে কামাখ্যা ষ্টেশ্যনৰ পৰা ৫ ছেপ্টেম্বৰৰ পৰা ৩ অক্টোবৰলৈকে চলিব।
