স্বাধীনতাৰ পিছত দেশে কোনো দিনেই এনে বিষম পৰিস্থিতিৰ মুখা মুখী হোৱা নাছিল যাৰ বাবে অতি হেপাঁহৰ স্বাধীনতা দিৱসটোও পতাৰ বাবে চিন্তা কৰিবলগীয়া হৈছিল।
কিন্তু মহামাৰী ক’ৰ’ণা সকলো কথা সলা পেলাইছে।
সেইবাবে দেশত এই বেলি প্ৰথম বাৰৰ বাবে স্বাধীনতা দিৱস ভাৰ্চুৱেলী অনুষ্ঠিত কৰিবলগীয়া হ’ব।
কেন্দ্ৰীয় গৃহ দপ্তৰে শুকুৰবাৰে স্বাধীনতা দিৱস ভাৰ্চুৱেলী অনুষ্ঠিত কৰাৰ বাবে বিশেষ কেতবোৰ নীতি-নিয়ম বান্ধি দি নিৰ্দেসনা প্ৰকাশ কৰিছে।
এইবাৰৰ স্বাধীনতা দিৱসত নাথাকিব বিশেষ কোনো জন সমাগম।
পৰম্পৰা ৰক্ষা কৰি প্ৰধানমন্ত্ৰীয়ে লাল কিল্লাত উত্তোলন কৰিব জাতীয় পতাকা।
সেই অনুষ্ঠানত দৰ্শক বুলি বিশেষ কোনো নাথাকিব।
অনুষ্ঠানত দিল্লী আৰক্ষী আৰু সশস্ত্ৰ বাহিনীৰ সীমিত সংখ্যক জোৱানে গাৰ্ড অৱ অনাৰ জনাব।
ৰাজ্য সমূহত সীমিত লোকৰ উপস্থিতিত মুখ্যমন্ত্ৰী সকলে কেৱল ৰাষ্ট্ৰীয় সংগীত পৰিৱেশমৰ মাজেৰে জাতীয় পতাকা উত্তোন কৰিব পাৰিব।
বিশেষ কোনো দৰ্শকক ইয়াত উপস্থিত থাকিব নোৱাৰিব।
স্বাধীনতা দিৱসত বৃক্ষ ৰোপন, চিত্ৰাংকন প্ৰতিযোগিতা আদি ভাৰ্চুৱেল মাধ্যমত কৰিব যিহেতু নোৱাৰি সেয়ে এনে কাৰ্যসূচীত সামাজিক দূৰত্ব বজাই ৰাখি সীমিত সংখ্যক লোকেহে ভাগ লব পাৰিব।
