আদালতত পৰি ৰোৱা বৃহৎ সংখ্যক গোচৰৰ প্ৰতি লক্ষ্য ৰাখি এক দৃষ্টান্তমূলক পদক্ষেপ গ্ৰহণ কৰি নৱ নিযুক্ত ভাৰতৰ মুখ্য ন্যায়াধীশ অসম সন্তান ৰঞ্জন গগৈয়ে খোলা দিনত ন্যায়াধীশসকলক কোনো ছুটী মঞ্জুৰ নকৰাৰ নীতি গ্ৰহণ কৰিছে।
দ্য টাইমছ অৱ ইণ্ডিয়াৰ এটা বাতৰিত কোৱা হৈছে যে গগৈয়ে মুখ্য ন্যায়াধীশ হিচাপে শপত গ্ৰহণ কৰাৰ পিছতে উচ্চতম ন্যায়ালয়, উচ্চ ন্যায়ালয় আৰু নিম্ন আদালতত পৰি থকা তিনি কোটিতকৈয়ো অধিক গোচৰৰ বোজা পাতল কৰাৰ বাবে নতুন অধ্যায়ৰ সূচনা কৰাৰ আভাস দিছিল।
বাতৰি অনুসৰি গগৈয়ে মুখ্য ন্যায়াধীশগৰাকীয়ে আদালতৰ পথভ্ৰষ্ট সদস্যসকলৰ পৰা ন্যায়িক কাম কাজ প্ৰত্যাহাৰ কৰিবলৈ কোৱাৰ লগতে নতুন কামৰ নিৰ্দেশ অমান্য কৰা ন্যায়াধীশসকলৰ বিষয়ে তেওঁক জনাবলৈ উচ্চ ন্যায়ালয়ৰ মুখ্য ন্যায়াধীশসকলক নিৰ্দেশ দিছে।
গগৈয়ে লগতে তেওঁলোকৰ লগতে ব্যক্তিগতভাৱে বিষয়টো মোকাবিলা কৰাৰ ইচ্ছাও প্ৰকাশ কৰিছে।
বৃহস্পতিবাৰে গগৈয়ে বিশেষভাৱে নিৰ্দেশ দিয়ে যে কোনো উচ্চ ন্যায়ালয়ৰ ন্যায়াধীশ বা তলতীয়া ন্যায়িক বিষয়াই জৰুৰীকালীন ছুটীৰ বাহিৰে খোলা দিনত ছুটীত যাব নোৱাৰিব।
গগৈয়ে লগতে খোলা দিনত ন্যায়াধীশসকলে আলোচনা চক্ৰ বা চৰকাৰী কাৰ্যসূচীত উপস্থিত থকাৰ তীব্ৰ অসন্তুষ্টি প্ৰকাশ কৰে। কাকতখনৰ বাতৰি অনুসৰি এখন আনুষ্ঠানিক পত্ৰযোগে আদালতৰ খোলা দিনত ন্যায়াধীশসকলে এল টি চি লোৱাটোও অনুমোদন কৰা নাই।