Viral Video|| দেৱী দুৰ্গাৰ সন্মুখত নৃত্যৰতা মহিলা নুছৰাত জাহান নহয়
তৃণমূল কংগ্ৰেছৰ সাংসদ, অভিনেত্ৰী নুছৰাত জাহানৰ হিন্দু-মুছলমান উভয়ধৰ্মী উপাসনা পোষকতা আৰু পালনে চৰ্চা লাভ কৰি আহিছে।
নুছৰাতে দেৱী দুৰ্গাৰ সন্মুখত পৰম্পৰাগত আৰতি “ধুনুচি নৃত্য” কৰাৰ এক ভিডিঅ’ চ’চিয়েল মিডিয়াত ভাইৰেল হৈছে।
কিন্তু ভিডিঅ’টোত দেখা মহিলাগৰাকী নুছৰাত নহয়।
এজন ব্যক্তিয়ে ফে’চবুকত ৩ মিনিটৰ ভিডিঅ’টো শ্বেয়াৰ কৰাৰ লগে লগে ১ মিলিয়ন লোকে ইয়াৰ দৰ্শন কৰে।
এটা নিউজ প’ৰ্টেলে ইণ্টাৰ্নেটত অনুসন্ধান কৰি নিশ্চিত কৰিছে যে নৃত্যৰতা মহিলাগৰাকীৰ নাম ৰশ্মি মিশ্ৰাহে।
তেওঁলোকৰ মতে, মুম্বাইৰ প’ৱাই বেংগলি ৱেলফেয়াৰ এছ’চিয়েছনে “Times Powai Sarvajanin Durgotsav 2019 || Curtain Raiser” শিৰোনামেৰে ভিডিঅ’টো ইউটিউবত আপল’দ কৰিছিল।
আৰু ভিডিঅ’টোৰ কেপচনত লিখা হৈছে, “…ৰশ্মি মিশ্ৰাৰ এক চুপাৰ্ব পাৰ্ফৰ্মেন্স…” বুলি।
RAPAIndia (Rashmi Academy of Performing Arts) নামৰ ইউটিউব চেনেল এটাৰ পৰা ভিডিঅ’টো ইয়াত দিয়া হৈছে।
চেনেলটোৰ বিৱৰণত লিখা দেখা গৈছে, ৰশ্মি মিশ্ৰা বিখ্যাত কথক নৃত্য বিশাৰদ বিৰ্জু মহাৰাজৰ শিষ্যা।
নুছৰাতে দেখাত অমুছলমান পৰিচয়ৰ এজন ব্যৱসায়ীক বিয়া কৰিছে। বিয়াৰ পিছত তেওঁ নামৰ কোনো পৰিৱৰ্তন কৰা নাই।