কেন্দ্ৰীয় প্ৰদূষণ নিয়ন্ত্ৰণ ব’ৰ্ডে (CPCB) ৰাষ্ট্ৰীয় সেউজ আৰক্ষীক (NGT) ক মহা কুম্ভৰ সময়ত প্ৰয়াগৰাজৰ সংগমৰ পানী স্নান যোগ্য আছিল বুলি জাননী জাৰি কৰিছে। তেওঁলোকে পানীত মানুহ আৰু জন্তুৰ মল-মূত্ৰৰ পৰা ওলোৱা ফেকেল কলিফৰ্মৰ (জীৱাণু) মান (median value) বিবেচনা কৰি এই প্ৰতিবেদনত এই তথ্য প্ৰকাশ কৰা বুলি উল্লেখ কৰে। ইয়াৰ পূৰ্বে CPCB-এ প্ৰকাশ কৰা তথ্য অনুসৰি সংগমৰ পানী ফেকেল কলিফৰ্মৰ উচ্চ মাত্ৰাৰ বাবে পানী অসুৰক্ষিত আছিল।
অৱশ্যে, CPCB ৰ ৱেবছাইটত উপলব্ধ তথ্য অনুসৰি, মহা কুম্ভৰ সময়ত বহু দিনৰ বাবে ফেকেল কলিফৰ্মৰ মাত্ৰা সৰ্বোচ্চ অনুমোদিত সীমাতকৈ বেছি আছিল। উদাহৰণস্বৰূপে, ১৪ জানুৱাৰী আৰু ২০ জানুৱাৰীত ফেকেল কলিফৰ্মৰ মাত্ৰা আছিল ১১,০০০ MPN/100 ml আৰু ৪৯,০০০ MPN/100 ml, যি সৰ্বোচ্চ অনুমোদিত সীমা ২,৫০০ MPN/100 ml তকৈ বহু গুণে বেছি।
২৮ ফেব্ৰুৱাৰীৰ এক প্রতিবেদনত CPCB-এ উল্লেখ কৰিছে যে ১২ জানুৱাৰীৰ পৰা ২২ ফেব্ৰুৱাৰীলৈ ফেকেল কলিফৰ্মৰ মধ্য মান আছিল ১,৭০০ MPN/100 ml। এই মান সৰ্বোচ্চ অনুমোদিত সীমাতকৈ কম, কিন্তু অকাংক্ষিত সীমা ৫০০ MPN/100 ml তকৈ বেছি। প্রতিবেদনখনত এইটোও উল্লেখ কৰা হৈছে যে পানীৰ গুণাগুণ দিনটোৰ ভিতৰত আৰু বিভিন্ন ঠাইত সলনি হ’ব পাৰে, গতিকে সংগ্ৰহিত তথ্যই নদীৰ সামগ্ৰিক অৱস্থা নেদেখুৱাবও পাৰে।
ইয়াৰ আগতে, ১৭ ফেব্ৰুৱাৰীত NGT-এ CPCB-ৰ ৩ ফেব্ৰুৱাৰীৰ এখন প্রতিবেদনৰ উদ্ধৃতি অনুসৰি ফেকেল কলিফৰ্মৰ উচ্চ মাত্ৰাৰ বাবে পানী স্নান যোগ্য নাছিল। প্রতিবেদন খনে মহা কুম্ভৰ সময়ত সংগমত স্নান কৰা বিপুল সংখ্যক লোকৰ বাবে ফেকেল কলিফৰ্মৰ মাত্ৰা বাঢ়ি যোৱা বুলি উল্লেখ কৰিছিল।
এই প্রতিবেদনবোৰৰ বিপৰীতে, উত্তৰ প্ৰদেশৰ মুখ্যমন্ত্ৰী যোগী আদিত্যনাথে ১৯ ফেব্ৰুৱাৰীত দাবী কৰিছিল যে সংগমৰ পানী কেৱল স্নানৰ কৰাৰ লগতে খোৱাৰ বাবেও উপযোগি বুলি দাবী কৰিছিল।
CPCB-ৰ শেহতীয়া প্রতিবেদন অনুসৰি মধ্য মানৰ ভিত্তিত পানী নিৰাপদ বুলি কোৱা হৈছে যদিও তথ্য অনুসৰি বহু দিনৰ বাবে সংগমৰ পানী দূষিত আছিল। এই শেহতীয়া প্ৰতিবেদনে বিভ্ৰান্তিৰ সৃষ্টি কৰিছে বুলি বিৰোধী দলবোৰে সমালোচনা মুখৰ হৈ পৰিছে।
