ভাৰতত ক’ৰ’না ভাইৰাছত আক্ৰান্তৰ সংখ্যাই ৫,০০০ অতিক্ৰম কৰিছে আৰু এই ভাইৰাছ বিধৰ সংক্ৰমণৰ ফলত দেশত এতিয়ালৈ ১৪৯ গৰাকী লোকৰ মৃত্যু হৈছে বুলি স্বাস্থ্য আৰু পৰিয়াল কল্যাণ মন্ত্ৰ্যালয়ে উল্লেখ কৰিছে।
স্বাস্থ্য আৰু পৰিয়াল কল্যাণ মন্ত্ৰ্যালয়ে উল্লেখ কৰা অনুসৰি ভাৰতত বৰ্তমানলৈ মুঠ ৫১৯৪ গৰাকী লোক ক’ৰ’না ভাইৰাছৰ দ্বাৰা আক্ৰান্ত হৈছে।
ভাৰতত ক’ৰ’নাত আক্ৰান্ত হোৱা মুঠ ৫১৯৪ গৰাকী লোকৰ ভিতৰত ৪০২ গৰাকী লোক আৰোগ্য হোৱাৰ বিপৰীতে ১৪৯ গৰাকী লোকৰ মৃত্যু হৈছে।
উল্লেখযোগ্য যে, প্ৰধান মন্ত্ৰী নৰেন্দ্ৰ মোদীয়ে সমগ্ৰ দেশত ২১ দিনৰ বাবে ল’কডাউন ঘোষণা কৰাৰ পাছতো দেশত ক্ৰমাগতভাৱে ক’ৰ’না ভাইৰাছত আক্ৰান্ত হোৱা লোকৰ সংখ্যা বৃদ্ধি পাই আছে।
অসমতো বৰ্তমানলৈ মুঠ ২৮ গৰাকী লোক ক’ৰ’না ভাইৰাছত আক্ৰান্ত হৈ চিকিৎসাধীন হৈ আছে।
সমগ্ৰ বিশ্বত ১৪ লাখতকৈ অধিক লোক ক’ৰ’না ভাইৰাছত বৰ্তমান সময়ত আক্ৰান্ত হোৱাৰ বিপৰীতে ৮২ হাজাৰতকৈ অধিক লোকৰ মৃত্যু হৈছে।
