আৰু এগৰাকী ক’ভিড১৯ ৰোগীয়ে বৃহস্পতিবাৰে বোকাখাতত প্ৰাণ হেৰুৱাইছে।
বোকাখাতৰ ছহিদ কমলা মিৰি অসামৰিক চিকিৎসালয়ত বিগত দুটা দিন চিকিৎসাধীন হৈ থকা ৰমেন্দ্ৰ কুমাৰ দেৱ নামৰ ৰোগীৰ কভিড১৯ৰ সংক্ৰমনত মৃত্যু হয়৷
লোকজন যোৱা দুটা দিন ডায়েৰিয়াত আক্ৰান্ত হৈ আছিল লোকজন৷ আজি পুৱা চিকিৎসাৰ বাবে বোকাখাতৰ ছহিদ কমলা মিৰি অসামৰিক চিকিৎসালয়লৈ ৰমেন্দ্ৰ কুমাৰ দেৱক অনাত প্ৰথমেই তেওঁৰ এন্টিজেন টেষ্ট কৰোৱাত কভিড১৯ৰ সংক্ৰমণ ধৰা পৰে৷
ইয়াৰ পিচত তেওঁক চেলাইন দিয়াৰ সময়তেই লোকজনৰ চিকিৎসালয়তেই মৃত্যু হয়৷
দীৰ্ঘ সময় ধৰি ৰমেন্দ্ৰ কুমাৰ দেৱৰ মৃতদেহ চিকিৎসালয়তেই পৰি ৰোৱাৰ শেষত পিপিই কিট পৰিধান কৰি পৰিয়ালৰ লোকে ৰমেন্দ্ৰ কুমাৰ দেৱৰ শৱদেহ সৎকাৰ কৰে৷
ক’ভিড পৰীক্ষাত মৃত লোকজনৰ কন্যাৰ শৰীৰতো ক’ভিড সংক্ৰমণ ধৰা পৰিছে৷
ৰমেন্দ্ৰ কুমাৰ দেৱকে ধৰি কভিড১৯ৰ সংক্ৰমনত বোকাখাতত এতিয়ালৈ ৫ জন লোকৰ মৃত্যু হৈছে।
আৰু মুঠ ১০৯০ জন লোকৰ শৰীৰত কভিড ১৯ সংক্ৰমন ধৰা পৰিছে৷
