বঙাইগাঁৱত আৰক্ষীৰ অভিযানত জব্দ ২৫ কাৰ্টন কফ চিৰাপ; এজন লোকক আটক

ৰাজ্যৰ আৰক্ষীয়ে বিভিন্ন স্থানত চলি থকা ড্ৰাগছৰ বিৰুদ্ধে অভিযান চলাই ইতিমধ্যেই বহু লোকক আটক কৰাৰ লগতে বহু অবৈধ ঘাটি উৎখাত কৰাৰ পিছতো ৰাজ্যত অব্যাহত আছে নিচা জাতীয় ঔষধৰ বৃহৎ ক’লা বজাৰ৷

একাংশ ব্যৱসায়ীয়ে ৰাজ্যত গোপনে চলাই গৈছে এই ক’লা বেপাৰ৷

ৰাজ্যৰ প্ৰান্তে প্ৰান্তে, বজাৰে বজাৰে উপলব্ধ নিষিদ্ধ কফচিৰাপৰ বটল৷ আজি বঙাইগাঁৱৰ বইটামাৰীত বৃহৎ পৰিমাণৰ নিষিদ্ধ কফচিৰাপ জব্দ কৰে বইটামাৰী আৰক্ষীয়ে৷

বইটামাৰী আৰক্ষীয়ে আজি এক অভিযান চলাই As-25EC- 1013 নম্বৰৰ বাহন এখনৰ পৰা জব্দ কৰে মুঠ ২৫ কাৰ্টুন ownrex নামৰ নিষিদ্ধ কফ চিৰাপ৷