শিৱসাগৰত অ’ এন জি চিৰ সদৌ ভাৰত এচ চি এচ টি কল্যাণ সমিতিৰ প্ৰশিক্ষণৰ সমাপ্তি
অ’ এন জি চিৰ সদৌ ভাৰত অনুসূচিত জাতি অনুসূচিত জনজাতি কর্মচাৰী কল্যাণ সমিতিৰ উদ্যোগত শিৱসাগৰত আয়োজিত এক প্ৰশিক্ষণ কাৰ্য্যসূচীৰ শনিবাৰে সফল সমাপ্তি ঘটে।
শিৱসাগৰৰ অ’ এন জি চিৰ অ’ফিচার্চ ক্লাবত প্ৰশিক্ষণৰ প্ৰমাণপত্ৰ বিতৰণৰ কাৰ্য্যসূচী অনুষ্ঠিত হৈ যায়।
সংস্থাটোৰ অসম সম্পদৰ সংযোজিত ধনৰাশিৰ অধীনত আয়োজিত কাৰ্য্যসূচীটোত ৭০টা মহিলা আত্মসহায়ক গোটৰ ১১ গৰাকী মহিলাক প্ৰশিক্ষণ প্ৰদান কৰা হয়।
অংশগ্ৰহণকাৰীসকলৰ ৫০গৰাকীক কাটিঙৰ, ৩০গৰাকীক কম্পিউটাৰ আৰু আন ৩০গৰাকী সৌন্দৰ্য্য চৰ্চাৰ প্রশিক্ষণ প্ৰদান কৰা হৈছে।
বি আৰ আম্বেদকাৰৰ প্ৰতিচ্ছবিত বন্তি প্ৰজ্বলনেৰে প্ৰমাণপত্ৰ বিতৰণ অনুষ্ঠানটো মুকলি কৰে অ’ এন জি চিৰ বিষয়া এচ ডি মাস্কে।
অনুষ্ঠানটোত সদৌ ভাৰত অনুসূচিত জাতি অনুসূচিত জনজাতি সমিতিৰ উপাধ্যক্ষ দেৱী ৰাম পাংগিং, আৰ ভি পি ৰাজীৱ দেউৰী, বীৰেন দাস সহিতে বহুকেইজন ব্যক্তি উপস্থিত থাকে।
সমিতিৰ সম্পাদক জগত হাজৰিকাই অনুষ্ঠানটোৰ আঁত ধৰেছিল।