সমগ্ৰ ভাৰততে পিঁয়াজৰ দাম হোৰাহৰে বৃদ্ধি পাবলৈ আৰম্ভ কৰিছে। বৃহস্পতিবাৰে বজাৰত পিঁয়াজৰ দাম শুনি সাধাৰণ মানুহে মূৰত হাত দিব লগীয়া হৈছে। যোৱা সপ্তাহত প্ৰতি কেজিত পিয়াঁজৰ মূল্য ৩৫ৰ পৰা ৪০টকাত বিক্ৰী হৈছিল যদিও পিঁয়াজৰ মূল্য এতিয়া প্ৰতি কেজিত ৬০ৰ পৰা ৮০টকা হৈছেগৈ।
বৃহস্পতিবাৰে গুৱাহাটীৰ বেলতলা বজাৰত পিঁয়াজ প্ৰতি কেজিত ৬০ টকাকৈ বিক্ৰী হৈছে। সেইদৰে মহানগৰীৰ গেলামাল দোকানসমূহত প্ৰতি কেজিত ৭০ টকা দৰত বিক্ৰী কৰা হৈছে পিঁয়াজ। পিঁয়াজৰ দাম অহা কেইদিনৰ ভিতৰত আৰু বৃদ্ধি পোৱাৰ সম্ভাৱনা আছে।
লগতে পঢ়কঃ আদৰ্শ আচৰণ বিধি উলংঘা; মুখ্যমন্ত্ৰী হিমন্ত বিশ্ব শৰ্মাক কাৰণ দৰ্শোৱাৰ জাননী নিৰ্বাচন আয়োগৰ
বিহাৰ আৰু উত্তৰ প্ৰদেশতো একেধৰণৰ পৰিস্থিতিৰ সৃষ্টি হৈছে। শেহতীয়াকৈ বিহাৰৰ বাসিন্দাই প্ৰতি কেজিত ৮০ টকা হাৰত পিঁয়াজ ক্ৰয় কৰাৰ বিপৰীতে উত্তৰ প্ৰদেশৰ বাসিন্দাই শেহতীয়াকৈ ৭০ টকাৰ হাৰত পিঁয়াজ ক্ৰয় কৰিছে।
ইপিনে, খুচুৰা বিক্ৰেতাসকলে এই মূল্যবৃদ্ধিৰ কাৰণ স্থানীয় বজাৰত মুদ্ৰাস্ফীতি আৰু উৎসৱৰ বতৰত অধিক চাহিদাৰ বাবে হোৱা বুলি জানিবলৈ দিয়ে।
মহাৰাষ্ট্ৰৰ প্ৰায়বোৰ পিঁয়াজ উৎপাদনকাৰী জিলাতে পাইকাৰী পিয়াঁজৰ দাম এতিয়া প্ৰতি কেজিত ৪৫ৰ পৰা ৪৮ টকা। যোৱা ১৫ দিনত পাইকাৰী মূল্য ৫৮ শতাংশ বৃদ্ধি পাইছে। ইয়াৰ এটা মূল কাৰণ হ’ল মহাৰাষ্ট্ৰত মুঠ পিঁয়াজৰ বীজ ৰোপনৰ হাৰ কমি যোৱাটো।
লগতে পঢ়কঃআৰ্থিক সংকটত টীম ইণ্ডিয়াৰ প্ৰাক্তন প্ৰশিক্ষক গ্ৰেগ চেপেল! ধন সংগ্ৰহ কৰিছে বন্ধুবৰ্গই
বাতৰি অনুসৰি, যোৱা ১৫ দিনৰ ভিতৰত ৰাজ্যখনৰ লাচগাঁৱৰ পাইকাৰী বজাৰত পিয়াঁজৰ পাইকাৰী মূল্য ৫৮ শতাংশ বৃদ্ধি পাইছে। ইয়াৰ পূৰ্বৰ সপ্তাহত পিঁয়াজৰ দাম ১৮ শতাংশ বৃদ্ধি পাইছিল। ডিচেম্বৰ মাহৰ ভিতৰত পিঁয়াজৰ দাম আকাশলংঘী হ’ব পাৰে বুলি সাধাৰণ মানুহে আশংকা কৰিছে।
