আলংকাৰিক মৎস্য উৎপাদনেৰে স্বাৱলম্বীতাৰ পথত খোজ পেলাইছে গোৱালপাৰাৰ এখন গাঁৱে

লক্ষ্য গাওঁখনক আলংকাৰিক মৎস্য উৎপাদক্ষম গাওঁ হিচাবে প্ৰতিষ্ঠা কৰাৰ৷এই লক্ষ্যৰে নিৰৱচ্চিন্ন ভাবে কাম কৰি গৈছে গোৱালপাৰাৰ এখন গাৱঁৰ লোকে ৷

আলংকাৰিক মাছ উৎপাদনক্ষম  গাওঁ হিচাবে গঢ়ি তোলাৰ প্ৰচেষ্টাত বিগত ১৭ বছৰে  এহাল দম্পতীয়ে কৰি গৈছে এক নিৰলস প্ৰচেষ্টা ৷

গোৱালপাৰা জিলাৰ কৃষ্ণাইৰ পৰা চাৰি কিলোমিটাৰ  আঁতৰৰ ভেলাখামাৰ গাওঁ৷২০০৪ চনত গাৱঁখনৰে  বিমল ৰায় আৰু প্ৰমীলা ৰায়ে আৰম্ভ কৰিছিল আলংকাৰিক মাছ উৎপাদনৰ কাম৷

প্ৰথম অৱস্থাত মাছৰ কাৰ্টুনতে পৰীক্ষমূলক ভাবে আৰম্ভ কৰিছিল এই কাম ।সেই সময়ত কোনো সহায় পোৱা নাছিল বিমল ৰায় আৰু পত্নী প্ৰমীলা ৰায়ে।

সেই বুলি দম্পতীহালে পিছ হুহুঁকিও অহা নাছিল নতুবা লক্ষ্যৰ পৰাও বিচলিত হোৱা নাছিল। সময় বাগৰিল আলংকাৰিক মাছ উৎপাদনৰ পৰিসৰ নিজ প্ৰচেষ্টাত বৃদ্ধি কৰিলে ৷

অৱশেষত জিলা মীন বিভাগৰ দৃষ্টি পৰিল তেওঁলোকে কৰি থকা আলংকাৰিক মাছৰ ওপৰত৷ইমান দিনে দম্পতী হালে অকলশৰে  নেতৃত্ব দিয়া এই বিপ্লৱত সহায়ৰ বাবে মীন বিভাগ  আৰু ৰাষ্ট্ৰীয় মৎস্য উন্নয়ন বৰ্ডো আগবাঢ়ি গোৱালপাৰা জিলা খনৰ ভিতৰতে এক মাত্ৰ এই গাওঁ য’ত উৎপাদন হয় আলংকাৰিক মাছ ৷

শেহতীয়াকৈ বিমল ৰায় লগত সংগ দিছে গাওঁখনৰে ২৬ গৰাকী মহিলাই৷

মহিলা সকলো আগবাঢ়ি আহিছে আলংকাৰিক মাছ উৎপাদনৰ বাবে৷ গোৱালপাৰা জিলাৰ মীন বিভাগৰ জৰিয়তে ৰাষ্ট্ৰীয় মৎস্য উন্নয়ন বৰ্ডে গাৱঁখনত ৰূপায়ণ কৰিছে প্ৰায় এক কোটি টকা ব্যয় সাপেক্ষে এক পাইলট প্ৰজেক্ট৷

বতৰ্মান গাঁৱখনৰ অধিকাংশ লোকে পালন কৰিছে এই আলংকাৰিক মাছ৷ গাৱঁত এতিয়া গাওঁখনত ব্লেক ম’লি ,চৰ্ট টেইল আৰু গল্ড ফিছ বহু পৰিমানেই উপলব্ধ৷

উল্লেখযোগ্য যে ব্লেক ম’লি আৰু চৰ্ট টেইলে কণীৰ সলনি পোৱালিহে জন্ম দিছে৷

গাঁৱখনৰ চন্দ্ৰমা ৰায,অৰুণা ৰায়, অঞ্জু প্ৰিয়া ৰায়,মিতালী শৰ্মা,মীৰা শৰ্মা,লিপিকা শৰ্মা ,নিভা ৰায় আদিকে ধৰি ২৬ গৰাকী মহিলা এতিয়া ব্যস্ত আলংকাৰিক মৎস্য উপাদনত৷ গাৱঁখনৰ বিমল ৰায় এই মৎস্য বিপ্লৱত সহায় কৰি গৈছে গোৱালপাৰাৰ মীন বিভাগে৷

বিভাগৰ জৰিয়তে ৰাষ্ট্ৰীয় মৎস্য উৎপাদন বৰ্ডে   গাওঁখনত ১৩ টো গোটকো জৰিত কৰি আলংকাৰিক মাছ উৎপাদনৰ পৰিসৰ বৃদ্ধিৰ এক প্ৰচেষ্টা চলাইছে৷ আলংকাৰিক মাছ উৎপাদনৰে এতিয়া স্বাৱলম্বী হোৱাৰ পথৰ গাওঁখনৰ বহু পুৰুষ-মহিলা৷

শেহতীয়াকৈ ক’ভিড পৰিস্থিতিৰ বাবে এওঁলোকে  বহুত সমস্যাৰ সন্মুখীন হৈছে যদিও হতাশ হোৱা নাই আৰু লক্ষ্যৰ পৰাও আঁতৰি অহা নাই এই সকল পুৰুষ-মহিলা৷