অৰাজক ৰাজ! আমেৰিকাত স্মৃতি দিৱসৰ উদযাপন অনুষ্ঠানত গুলীচালনা; নিহত কমেও ১৬ জন
শ্বহীদ স্মৃতি দিৱস উপলক্ষে সাধাৰণ বন্ধৰ দিনত অনুষ্ঠিত আমেৰিকাৰ বিভিন্ন অনুষ্ঠানত সংঘটিত গুলীচালনাৰ ঘটনাত কমেও ১৬ জন লোক নিহত হোৱাৰ লগতে ডজন সংখ্যক লোক আহত হৈছে।
আমেৰিকাৰ হৈ বিভিন্ন যুদ্ধত প্ৰাণ আহুতি দিয়া সাহসী জোৱানসকলক স্মৰণ কৰি প্ৰতি বছৰে স্মৃতি দিৱস উদযাপন কৰা হয়। ইয়াৰ ধাৰাবাহিকতা ৰক্ষা কৰি দেশৰ সকলো স্তৰৰ লোকে শ্বহীদসকলক শ্ৰদ্ধা জনাই বিভিন্ন সাপ্তাহিক অনুষ্ঠানৰ আয়োজন কৰে।
এই সাপ্তাহিক ছুটীৰ দিন সোমবাৰে গুলীচালনাৰ ঘটনাৰে সমাপ্ত হয়। সমগ্ৰ দেশৰ কমেও আঠখন প্ৰদেশ সমুদ্ৰ তীৰত, বিদ্যালয় আৰু মটৰ চাইকেল শোভাযাত্ৰাত গুলীচালনা, বন্দুকধাৰীৰ আক্ৰমণ আৰু হিংসাত্মক ঘটনা সংঘটিত হৈছে। নিহতসকলৰ ভিতৰত কিশোৰ-কিশোৰী আৰু ৬০ বছৰীয়া লোকো আছে।
ফ্ল’ৰিডাৰ হলিউড বিচ অঞ্চলত স্থানীয় সময় অনুসৰি সোমবাৰে সন্ধিয়া সংঘটিত হোৱা গুলীচালনাত ৯ জন লোক আহত হয়। সেই সময়ত তেওঁলোকে মিয়ামিৰ উত্তৰত আটলাণ্টিক উপকূলত ছুটী উপভোগ কৰি আছিল।
লগতে পঢ়ক: ৩০ মে : ভোলানাথ বৰুৱাৰ স্মৃতিত অসম বাণিজ্য দিৱসৰ প্ৰাসংগিকতা
আৰক্ষীৰ মতে, দুটা গোটৰ মাজত হোৱা তৰ্ক-বিতৰ্ক আৰু বিবাদ হিংসাত্মক ৰূপত পৰিণত হয়। ইয়াৰে ৯ জন আক্ৰান্তক চিকিৎসালয়ত ভৰ্তি কৰা হৈছে আৰু আহতসকলৰ ভিতৰত শিশুও আছে।
হলিউড আৰক্ষীৰ মুখপাত্ৰ ডায়েনা বেটিনেস্কিয়ে যোৱা নিশা এখন সংবাদমেলত কয় যে ঘটনাস্থলীৰ পৰা এজন ব্যক্তিক জিম্মাত লোৱা হৈছে আৰু এজন সন্দেহযুক্ত লোকক বিচাৰি থকা হৈছে।
লগতে পঢ়ক: IPL 2023 Final: বৰ্ষাস্নাত ফাইনেলত চেন্নাইৰ বিজয়গাথা! উজলিল ধোনিৰ মুখ, স্বপ্নভংগ হাৰ্দিকৰ
এই বন্ধত বন্দুকৰ আক্ৰামণৰ প্ৰথমটো কাণ্ড সংঘটিত হৈছে স্থানীয় সময় অনুসৰি শুকুৰবাৰে বিয়লি। চিকাগো টেলিমুণ্ডো অঞ্চলৰ নৰ্থ এভিনিউ বিচত দুটা গোটৰ মাজত কাজিয়া সংঘটিত হয়।
চিকাগোৰ কাণ্ডত কোনো লোকৰ মৃত্যু হোৱা নাই। কিন্তু তাৰ আগতে চিকাগোত এসপ্তাহজোৰা গুলীচালনাৰ ঘটনাত আঠজন লোক নিহত হয়। আহত হৈছে কমেও ৩২জন লোক।