বিশ্বৰ এক হাজাৰগৰাকী আগশাৰীৰ লেখকে এক বিবৃতিযোগে ইহুদীবাদী ইজৰাইলৰ সাংস্কৃতিক সংগঠনৰ সৈতে সহযোগিতা নকৰাৰ প্ৰতিশ্ৰুতি দিছে। তেওঁলোকে কয় যে এই সাংস্কৃতিক সংগঠনসমূহে ইহুদীবাদী চৰকাৰৰ দ্বাৰা পেলেষ্টাইনী জনসাধাৰণৰ ওপৰত কৰা অত্যাচাৰ আৰু গণহত্যাৰ ক্ষেত্ৰত সহযোগিতা আগবঢ়াইছে।
তেওঁলোকৰ বিবৃতি অনুসৰি এই সংগঠনসমূহৰ সৈতে ইজৰাইলৰ সহযোগিতাই পাছলৈ টেল আভিভক নিজৰ বৈষম্যমূলক নীতি ৰূপায়ণ কৰাত সহায় কৰিব, যাৰ ফলত ইজৰাইলে নিজৰ গণহত্যা, দখল আৰু বৰ্ণবাদী আচৰণৰ বিষয়ে ব্যাখ্যা কৰাৰ সুযোগ পাব।
প্ৰতিবেদন অনুসৰি, সেই ১০০০ লেখকৰ ভিতৰত তিনিজন হৈছে শ্যেলী ৰুনী, ৰেচেল কুছনাৰ আৰু অৰুন্ধতী ৰয়। তেওঁলোকে নিজৰ বিবৃতিত প্ৰতিশ্ৰুতি দিয়ে যে ইজৰাইলৰ প্ৰকাশন প্ৰতিষ্ঠানক কোনো ধৰণৰ কিতাপ প্ৰকাশ কৰিবলৈ নিদিয়ে, তেওঁলোকৰ কোনো গ্ৰন্থ প্ৰকাশন উৎসৱত অংশগ্ৰহণ নকৰে আৰু ইজৰাইলৰ কোনো গ্ৰন্থমেলাত অংশগ্ৰহণ নকৰে।
লগতে পঢ়কঃ ওজন হৈছিল ১৭ কেজি! ডায়েট কন্ট্ৰোলৰ পিছতেই মৃত্যু ঘটিল বিশ্বৰ আটাইতকৈ মোটা মেকুৰীটোৰ
আয়াৰলেণ্ডৰ বিখ্যাত কবি আৰু চিত্ৰনাট্যকাৰ শ্যেলী ৰুনীৰ প্ৰথমখন উপন্যাস ‘টক টু ফ্ৰেণ্ডছ’ ২০১৭ চনত প্ৰকাশ পাইছিল যদিও ২০১৮ চনত তেওঁৰ অৰ্ডিনাৰি পিপুল’ নামৰ গ্ৰন্থখন মুক্তি পোৱাৰ পিছত তেওঁ পাঠকৰ মাজত বহুলভাৱে পৰিচিত হৈ পৰে।
বহু বছৰ ধৰি পেলেষ্টাইনৰ অধিকাৰ আন্দোলনক সমৰ্থন কৰি আহিছে শ্যেলী ৰুনীয়ে। ইজৰাইলৰ এটা প্ৰকাশন কোম্পানীয়ে তেওঁৰ তৃতীয়খন উপন্যাস বিউটিফুল ৱৰ্ল্ডক হিব্ৰু ভাষালৈ অনুবাদ কৰি ২০২১ চনত প্ৰকাশ কৰিব বিচাৰিছিল। কিন্তু ৰুণীয়ে সংস্থাটোক অনুমতি নিদিলে।
চলিত বৰ্ষৰ আৰম্ভণিতে ‘পেন পিণ্টাৰ’ বঁটা লাভ কৰাৰ পিছত বঁটা প্ৰদান অনুষ্ঠানত ভাষণ দি গাজা ষ্ট্ৰিপত ইজৰাইলৰ গণহত্যাক তীব্ৰ গৰিহণা দিয়ে শ্যেলী ৰুনীয়ে। তেওঁ নিজৰ সকলো পুৰস্কাৰৰ ধন পেলেষ্টাইনী শিশুসকলক সহায় কৰিবলৈ সৃষ্টি কৰা এটা পুঁজিলৈ দান কৰে।
লগতে পঢ়কঃ গজালি মেলা মুগ খোৱাৰ আচৰিত উপকাৰ! দৈনিক খালে কি কি উপকাৰ পাব জানি লওক
বিশ্বৰ এই বিখ্যাত লেখকসকলৰ বক্তব্য অনুসৰি আন্তঃৰাষ্ট্ৰীয় আইনত পেলেষ্টাইনীসকলৰ বাবে লিপিবদ্ধ কৰা স্পষ্ট অধিকাৰক স্বীকৃতি নিদিয়া প্ৰতিষ্ঠানসমূহ বৰ্জনৰ তালিকাত থাকিব।
বিবৃতিটোৰ মতে, দক্ষিণ আফ্ৰিকাৰ বহু বৰ্ণবৈষম্য বিৰোধী লেখকে পূৰ্বেও একেধৰণৰ স্থিতি গ্ৰহণ কৰিছিল; কাৰণ কোনো সচেতন ব্যক্তিয়ে বৰ্ণবাদী আচৰণ আৰু লাখ লাখ মানুহক শৰণাৰ্থীলৈ ৰূপান্তৰিত কৰাটো মানি ল’ব নোৱাৰে।
