সমগ্ৰ বিশ্বৰ লগতে পাকিস্তানতো মাৰাত্মক ক’ৰ’না ভাইৰাছে নৰ সংহাৰৰূপ ধাৰণ কৰিছে।
ক’ৰ’না আতংকৰ বাবে দেশখনৰ প্ৰধানমন্ত্ৰী ইমৰাণ খানৰ অসহায়ৰূপ ইতিমধ্যে সংবাদ মাধ্যমৰ যোগে প্ৰচাৰিত হৈছে।
ক’ৰ’না সংক্ৰমণ প্ৰতিৰোধৰ বাবে এতিয়া দেশখনৰ প্ৰধানমন্ত্ৰী ইমৰাণ খানে ভাৰতৰ সহযোগিতা বিচাৰিছে।
পাকিস্তানৰ প্ৰধানমন্ত্ৰী ইমৰাণ খানে ভাৰত পৰা হাইড্ৰ’ক্সিক্ল’ৰ’কুইন ঔষধ বিচাৰিছে ক’ৰ’না প্ৰতিৰোধৰ বাবে।
উল্লেখ্য যে ইতিমধ্যে ভাৰতে আমেৰিকাৰ লগতে ব্ৰাজিললৈ হাইড্ৰ’ক্সিক্ল’ৰ’কুইন প্ৰেৰণ কৰিছে।
পাকিস্তান হৈছে শেহতীয়া ৰাষ্ট্ৰ যিয়ে মাৰাত্মক ক’ৰ’না ভাইৰাছ প্ৰতিৰোধৰ বাবে ভাৰতৰ পৰা হাইড্ৰ’ক্সিক্ল’ৰ’কুইন আমদানি কৰিবলৈ ইচ্ছুক।
উল্লেখ্য যে পাকিস্তানত প্ৰায় ৬০০০ৰো অধিক লোক আক্ৰান্ত হোৱাৰ বিপৰীতে ১০০ৰো অধিক আক্ৰান্তৰ ইতিমধ্যে মৃত্যু ঘটিছে।
