পঞ্চায়তত মুঠ ভোটদানৰ ১/৬ অংশতকৈ অধিক ভোট লাভ কৰা প্ৰাৰ্থীয়ে ঘূৰাই পাব আমানতৰ ধন

শিৱসাগৰ নিৰ্বাচনী জিলাৰ অধীনত হৈ যোৱা পঞ্চায়ত নিৰ্বাচনত জিলা পৰিষদৰ সদস্য, আঞ্চলিক পঞ্চায়তৰ সদস্য, গাঁও পঞ্চায়তৰ সভাপতি আৰু গাঁও পঞ্চায়তৰ সদস্য পদত প্ৰতিদ্বন্দিতা কৰি জয়ী হোৱা  আৰু পৰাজিত হোৱা যিসকল প্ৰাৰ্থীয়ে মুঠ ভোটদান হোৱা ভোটৰ ১/৬ অংশতকৈ অধিক ভোট লাভ কৰিছিল তেওঁলোকে  ৰাজ্যিক নিৰ্বাচন আয়োগৰ নিয়মাৱলী অনুসৰি আমানতৰ ধন ঘূৰাই পাব।

নিয়মাৱলী অনুসৰি আমানতৰ ধন ঘূৰাই পাবলগীয়া জয়ী আৰু পৰাজিত প্ৰাৰ্থীসকলে অহা ২২ ফেব্ৰুৱাৰিৰ ভিতৰত আমানতৰ ধন জমা কৰা ৰচিদ সহ শিৱসাগৰ উপায়ুক্তৰ কাৰ্যালয়ৰ নিৰ্বাচনী শাখাত যোগাযোগ কৰিবলৈ জিলা উপায়ুক্ত এছ লক্ষ্মণনে এক জাননী জাৰি কৰিছে।

এই সংক্ৰান্তত নিৰ্ধাৰিত তাৰিখত  প্ৰাৰ্থী সকলে যদি যোগাযোগ নকৰে তেতিয়াহ’লে তেওঁলোকৰ আমানত হিচাপে জমা কৰা ধনসমুহ বিভাগীয় সংশ্লিষ্ট শিতানত জমা কৰা হ’ব বুলিও উক্ত জাননীত উল্লেখ কৰা হৈছে।