পাটনাৰ এজন ভিক্ষাৰীয়ে গোৱা এটি সুমধুৰ ইংৰাজী গানৰ ভিডিঅ’ চ’চিয়েল মিডিয়াত ভাইৰেল হৈ পৰিছে।
ভিক্ষাৰীজনে এমেৰিকান গায়ক জিম ৰীভছৰ “He’ll Have to Go” গীতটি সুন্দৰকৈ গোৱা ভিডিঅ‘টোত দেখা গৈছে।
This man, a beggar from Patna sings Jim Reeves “He’ll have to go”.
Priceless ❤️ pic.twitter.com/lJdoRjrxMa— Vandana (@VandanaJayrajan) April 20, 2020
বন্দনা জয়ৰাজন নামৰ টুইটাৰ ব্যৱহাৰকাৰীগৰাকীয়ে শ্বেয়াৰ কৰা দুই মিনিট ২০ ছেকেণ্ডৰ ভিডিঅ’টো হাজাৰ হাজাৰ লোকে দৰ্শন কৰা দেখা গৈছে।
ভিডিঅ‘টো কৰি থকা ব্যক্তি এজনৰ ফালৰ পৰা লোকজনে কি কৰে সোধা শুনা গৈছে, তেতিয়া তেওঁক সাধাৰণভাৱে কোৱা শুনা গৈছে “মই ভিক্ষা কৰো”।
লোকজনে তেওঁৰ নাম চানি বাবা বুলি জানিবলৈ দিয়ে আৰু কয় যে তেওঁ এগৰাকী গায়ক আৰু ডান্সাৰ।
টুইটাৰত ভিডিঅ’টো শ্বেয়াৰ হোৱাৰ পিছত বহুলোকে তেওঁৰ শলাগ লোৱা দেখা গৈছে।
১৯৬৪ চনত মৃত্যু হোৱা জিম ৰীভছৰ গীতসমূহ পিছৰ বহুকেইটা দশকধৰি জনপ্ৰিয় হৈ আছিল।
