ডিমা হাচাও জিলাৰ উপায়ুক্তৰ দায়িত্ব গ্ৰহণ কৰিলে পল বৰুৱাই
ডিমা হাচাও জিলাৰ নতুন জিলা উপায়ুক্ত হিচাপে মঙলবাৰে দায়িত্বভাৰ গ্ৰহণ কৰে প’ল বৰুৱাই। তেওঁ বিদায়ী জিলা উপায়ুক্ত তথা পার্বত্য স্বায়ত্ব শাসিত পৰিষদৰ প্রধান সচিব অমিতাভ ৰাজখোৱাৰ পৰা আনুষ্ঠানিকভাবে দায়িত্ব চমজি লয়।
উল্লেখ্য যে প’ল বৰুৱা ১৯৯২ ৰ ACS। তেওঁ ইয়াৰ আগতে গুৱাহাটী মেট্র’পলিটান ড্রিংকিং ৱাটাৰ আৰু চ্যেওৱেজ ব’ৰ্ডৰ মেনেজিং ডিৰেক্টৰ পদত আছিল।
ডিমা হাচাও জিলাৰ জিলা উপায়ুক্তৰ দায়িত্বভাৰ গ্ৰহণ কৰি সংবাদ মাধ্যমৰ লগত হোৱা বাৰ্তালাপত বৰুৱাই জিলাৰ সামগ্ৰিক উন্নয়ন আৰু শান্তিৰ হকে কাম কৰাৰ বাবে ৰাইজৰ সহযোগ তথা পৰামৰ্শ বিচাৰে।
ইপিনে বিদায়ী জিলা উপায়ুক্ত অমিতাভ ৰাজখোৱাক চৰকাৰে সচিবলৈ পদোন্নতি দি উত্তৰ কাছাৰ পার্বত্য স্বায়ত্ব শাসিত পৰিষদৰ প্রধান সচিব হিচাপে দায়িত্ব প্ৰদান কৰে।
অৱশ্যে ৰাজখোৱা যোৱা ছেপ্টেম্বৰ মাহৰ পৰা জিলাৰ উপায়ুক্তৰ উপৰি পার্বত্য পৰিষদৰ প্রধান সচিবৰ অতিৰিক্ত দায়িত্ব পালন কৰি আহিছিল।