ঘৰৰ ওপৰতে ভাঙি পৰিল বিমান; দুৰ্ঘটনাত যাত্ৰীসহ নিহত ৮ জন
ঘৰৰ ওপৰেতে বিমান ভাঙি পৰি দুৰ্ঘটনাগ্ৰস্ত হোৱাৰ ফলত কমেও ৮ জন লোক নিহত হৈছে। কলম্বিয়াত সংঘটিত হৈছে এই ভয়ংকৰ বিমান দুৰ্ঘটনা।
বাতৰি অনুসৰি, মধ্য কলম্বিয়াত এখন বিমান দুৰ্ঘটনাগ্ৰস্ত হৈ কমেও আঠজন লোক নিহত হৈছে। বিমানখন দুৰ্ঘটনাগ্ৰস্ত হোৱা অঞ্চলটোত কেইবাটাও ঘৰ ক্ষতিগ্ৰস্ত হয়।
কলম্বিয়াৰ অসামৰিক বিমান পৰিবহন কৰ্তৃপক্ষই এক বিবৃতিত কয় যে স্থানীয় সময় অনুসৰি সোমবাৰে কলম্বিয়াৰ ওলাইয়া হেৰেৰা বিমানবন্দৰৰ পৰা উৰা মৰাৰ অলপ পিছতে বিমানখন মেডেলিন চহৰৰ জনবহুল এলেকাত দুৰ্ঘটনাগ্ৰস্ত হয়।
লগতে পঢ়ক: আঁতৰা নাই সংকট! খেৰচন-মাইকোলাইভৰ পৰা অসামৰিক লোকসকলক স্থানান্তৰ কৰিছে ইউক্ৰেইনে
দুৰ্ঘটনাৰ ফলত ছয়জন যাত্ৰী আৰু দুজন বিমান কৰ্মচাৰীৰ মৃত্যু ঘটে।
দুৰ্ঘটনাটোৰ কাৰণ এতিয়াও জানিব পৰা হোৱা নাই যদিও প্ৰাথমিকভাৱে অনুমান কৰা হৈছে যে ইঞ্জিনৰ ত্ৰুটিৰ ফলতে দুৰ্ঘটনাটো সংঘটিত হৈছিল।
স্থানীয় মেয়ৰ ডেনিয়েল কুইণ্টেৰোৱে কয় যে বিমানখনৰ ইঞ্জিনত ত্ৰুটিৰ ফলত দুৰ্ঘটনাটো সংঘটিত হোৱাৰ সম্ভাৱনা আছে। অগ্নি আৰু দুৰ্যোগ ব্যৱস্থাপনা বাহিনীয়ে উদ্ধাৰ অভিযান চলাইছে।
🚨| Cuatro máquinas con 15 unidades del Cuerpo Oficial de Bomberos Medellín apoyan las labores de atención en la emergencia presentada en Belén Rosales, donde una avioneta cayó sobre una vivienda del sector. En el sitio también se encuentran bomberos aeronáuticos. pic.twitter.com/iizTb9RurS
— DAGRD – Medellín (@DAGRDMedellin) November 21, 2022
ভাইৰেল ভিডিঅ’ত ঘৰৰ ওপৰৰ পৰা ক’লা ধোঁৱা ওলাই থকা দেখা গৈছে। কিছু মুহূৰ্তৰ আগতে তাত বিমানখন তাত দুৰ্ঘটনাগ্ৰস্ত হৈছিল। চাৰিওফালে ক’লা ধোঁৱাই ছানি ধৰিছিল। কেইবাখনো ছবিত বিমানখনৰ ধ্বংসাৱশেষ চাৰিওফালে সিঁচৰতি হৈ থকা দেখা গৈছে।