মানস ৰাষ্ট্ৰীয় উদ্যানত চোৰাং চিকাৰী চক্ৰ উৎখাত
মানস ৰাষ্ট্ৰীয় উদ্যানৰ পৰা বন বিষয়াসকলে দুই অভিযুক্ত চোৰাংচিকাৰীক আটক কৰিছে।
তেওঁলোকৰ পৰা অবৈধ বন্যপ্ৰাণীৰ সামগ্ৰী আৰু অস্ত্ৰ-শস্ত্ৰ জব্দ কৰে বিষয়াসকলে।
উদ্যানখনৰ ভিতৰতে চোৰাং চিকাৰৰ কামত জড়িত আছিল অভিযুক্ত কালিচৰণ বসুমতাৰী আৰু মৈশ্ৰাং গয়াৰী নামৰ লোক দুজন।
লগতে পঢ়কঃ বিশ্বত প্ৰথমবাৰৰ বাবে মৃগী ৰোগীৰ মূৰত সফলতাৰে প্ৰতিস্থাপন কৰা হ’ল বিশেষ যন্ত্ৰ
অভিযানৰ সময়ত বন বিষয়াসকলে দুটা হাতেৰে নিৰ্মিত বন্দুক, এটা হৰিণৰ শিঙ, এটা গুলী বনোৱা মেচিন আৰু কাঁড়কে ধৰি এলানি অবৈধ সামগ্ৰী উদ্ধাৰ কৰে।
গ্ৰেপ্তাৰৰ পিছত দুই অভিযুক্তক আদালতত হাজিৰ কৰা হয় আৰু পৰৱৰ্তী সময়ত ন্যায়িক জিম্মালৈ প্ৰেৰণ কৰা হয়।
তেওঁলোকৰ কাৰ্যকলাপৰ সৈতে জড়িত সম্পৰ্কৰ সন্দৰ্ভত এক তদন্ত চলি আছে।