ৰহস্যজনকভাৱে সন্ধানহীন হৈ আছে পুৰণিগুদাম মৰাচুকৰ আৰক্ষী কনিষ্টবল ত্ৰৈলোক্য গায়ন
Constable missing নগাওঁ জিলাৰ চামগুৰি পুৰণিগুদামৰ মৰাচুক গাঁৱৰ ত্ৰৈলোক্য গায়ন নামৰ এজন আৰক্ষী কনিষ্টবল ৰহস্যজনকভাৱে মাহৰ পিছত মাহ ধৰি সন্ধানহীন হৈ থকা ঘটনাই অঞ্চলটোত ব্যাপক প্ৰতিক্ৰিয়াৰ সৃষ্টি কৰিছে।
লামডিংস্থিত 2nd APTF ত আৰক্ষী কনিষ্টবল হিচাপে নিয়োজিত হৈ আছিল ত্ৰৈলোক্য গায়ন নামৰ আৰক্ষী কনিষ্টবলজন।
আৰক্ষী কনিষ্টবলজনৰ নিৰুদ্দেশ সন্দৰ্ভত পৰিয়ালৰ লোকে লামডিং আৰক্ষী চকীৰ লগতে হোজাই জিলাৰ আৰক্ষী অধীক্ষকৰ কাৰ্যালয়তো এজাহাৰ দাখিল কৰিছে।
পৰিয়ালৰ লোকে এতিয়া কোনো সদাশয় লোকে আৰক্ষী কনিষ্টবলজনক প্ৰত্যক্ষ কৰিলে পৰিয়ালৰ যোগাযোগ নম্বৰ ৬০০৩১৯৫১৪৭/৯৮৬৪৩৭৯৬২৬ ত যোগাযোগ কৰিবলৈ আহ্বান জনাইছে।
স্বামী ত্ৰৈলোক্য গায়নক ঘূৰাই পাবলৈ লগতে আৰক্ষী কনিষ্টবলজনৰ পত্নী ৰেখামণি দেৱী গায়নে অসমৰ মুখ্যমন্ত্ৰীলৈয়ো কাতৰ আহ্বান জনাইছে।