ৰাষ্ট্ৰীয় পৰীক্ষা সংস্থাই(NTA) UGC — NET ডিচেম্বৰ ২০২০ আৰু জুন ২০২১ পৰীক্ষাৰ বাবে সংশোধিত পৰীক্ষাৰ তাৰিখ মুকলি কৰিছে।
জাননী অনুসৰি, UGC পৰীক্ষা ২০ নৱেম্বৰ, ২০২১ তাৰিখে আৰম্ভ হ’ব। প্ৰাৰ্থীসকলে অফিচিয়েল ৱেবছাইট ugcnet.nta.nic.in ত সমগ্ৰ সময়সূচী পৰীক্ষা কৰিব পাৰে।
NTA- এ ইয়াৰ পূৰ্বে এই পৰীক্ষা ১৭ অক্টোবৰৰ পৰা অনুষ্ঠিত হ’ব বুলি ঘোষণা কৰিছিল যদিও অন্যান্য পৰীক্ষাৰ সৈতে একে সময়তে অনুষ্ঠিত নকৰাৰ সিদ্ধান্ত গ্ৰহণ কৰি ১৭ ৰ পৰা ২৫ অক্টোবৰলৈ পিছুৱাই দিছিল।
পৰীক্ষাসমূহ এতিয়া ২০, ২১, ২২, ২৪, ২৫, ২৬, ২৯, ৩০ নৱেম্বৰ আৰু ১, ২, ৩, ৪, ৫ ডিচেম্বৰত অনুষ্ঠিত হ’ব।
পৰীক্ষাৰ এডমিট কাৰ্ড সোনকালেই NTA ৰ অফিচিয়েল ৱেবছাইটত উপলব্ধ কৰা হ’ব।
UGC- এ প্ৰাৰ্থীসকলক পৰীক্ষা সম্পৰ্কীয় আপডেটৰ বাবে নিয়মীয়াকৈ www.nta.ac.in, ugcnet.nta.nic.in ৱেবছাইট দৰ্শন কৰিবলৈ পৰামৰ্শ দিছে।
যিকোনো আসোঁৱাহৰ ক্ষেত্ৰত প্ৰাৰ্থীসকলে ০১১-৪০৭৫৯০০ নম্বৰত NTA সহায়ক ডেস্কৰ সৈতে যোগাযোগ কৰিব পাৰে বা [email protected] ৱেবচাইটত দৰ্শন কৰিব পাৰে।
পৰীক্ষাত উত্তীৰ্ণ হ’বলৈ প্ৰাৰ্থীসকলে কমেও ৪০ শতাংশ নম্বৰ (সংৰক্ষিত শ্ৰেণীৰ প্ৰাৰ্থীৰ বাবে ৩৫ শতাংশ) নম্বৰ লাভ কৰিব লাগিব।
যোগ্য প্ৰাৰ্থীসকলৰ ভিতৰত কেৱল শীৰ্ষ ৬ শতাংশক উত্তীৰ্ণ বুলি ঘোষণা কৰা হ’ব। যি সকল পৰিক্ষাৰ্থী এই পৰীক্ষাত উত্তীৰ্ণ হয় তেওঁলোক সহকাৰী অধ্যাপক বা কনিষ্ঠ গৱেষণা ফেলোশ্বিপ (JRF) পদৰ বাবে যোগ্য হ’ব।
