বঙাইগাঁৱৰ থানাৰ ভিতৰত মৃত অৱস্থাত উদ্ধাৰ আৰক্ষী জোৱান

বঙাইগাঁও জিলাৰ মেৰচাৰ থানাৰ চৌহদৰ ভিতৰত বুধবাৰে পুৱা এজন আৰক্ষী জোৱানক মৃত অৱস্থাত উদ্ধাৰ হয়।

জানিব পৰা মতে, কৰ্তব্যৰত অৱস্থাতে মৃত্যুক সাৱটি লয় আৰক্ষী জোৱানগৰাকীয়ে।

স্থানীয় ৰাইজে জনোৱা মতে, থানা চৌহদৰ ভিতৰত ওলমি থকা অৱস্থাত তেওঁৰ মৃতদেহ উদ্ধাৰ কৰা হৈছে। সেয়েহে তেওঁৰ মৃত্যু আত্মহত্যা বুলি সন্দেহ কৰিছে স্থানীয় ৰাইজে।

ইতিমধ্যে, আৰক্ষীৰ জ্যেষ্ঠ বিষয়াসকলে ঘটনাস্থলীত উপস্থিত হৈছে। মৃত্যুৰ প্ৰকৃত কাৰণ জানিবলৈ আনুষ্ঠানিক তদন্ত আৰম্ভ কৰা হৈছে। শীঘ্ৰে মৰণোত্তৰ পৰীক্ষা সম্পন্ন হোৱাৰ সম্ভাৱনা আছে।