জাগীৰোডত পথ দুৰ্ঘটনাত আৰক্ষী বিষয়া নিহত
মৰিগাঁও জিলাৰ জাগীৰোডত আজি পুৱা সংঘটিত হয় এক ভয়ংকৰ পথ দুৰ্ঘটনা।
জাগীৰোডৰ ৰাষ্ট্ৰীয় ঘাই পথত সংঘটিত এই দুৰ্ঘটনাত এগৰাকী আৰক্ষী বিষয়াৰ থিতাতে মৃত্যু ঘটে।
নিহত আৰক্ষী বিষয়া গৰাকীক ৰত্নেশ্বৰ দাস বুলি চিলাক্ত কৰা হৈছে।
জানিব পৰা মতে নিহত ৰত্নেশ্বৰ দাস বকো আৰক্ষী থানাৰ ভাৰপ্ৰাপ্ত আৰক্ষী বিষয়া আছিল।
আৰক্ষী বিষয়া গৰাকীয়ে এখন সৰু গাড়ীৰে নগাঁও অভিমুখে গৈ থকাৰ সময়তে দুৰ্ঘটনাত পতিত হ’য়।
প্ৰত্যক্ষদৰ্শীয়ে প্ৰকাশ কৰা মতে তীব্ৰ বেগেৰে অহা আৰক্ষী বিষয়া গৰাকীৰ গাড়ী খনে ডিভাইডাৰত খুম্দা মাৰি পথৰ ওপৰতে বাগৰি পৰে।
ফলত আৰক্ষী বিষয়া ৰত্নেশ্বৰ দাসৰ থিতাতে মৃত্যু ঘটে।
দুৰ্ঘটনা সংঘটিত হোৱাৰ সময়ত বাহন খনত আৰক্ষী বিষয়া দাস অকলে আছিল বুলি জানিব পৰা গৈছে।
এই ঘটনাই বকোতে শোকৰ ছাঁ পেলাইছে।