বঙাইগাঁও জিলাৰ মেৰেৰচৰ আৰক্ষী থানাৰ আৰক্ষী বিষয়া প্ৰহ্লাদ দাসে মুকলিকৈ উৎকোচ লোৱাৰ এক দৃশ্য মোবাইলৰ কেমেৰাত বন্দী হোৱা ঘটনাই অঞ্চলটোত এক ব্যাপক প্ৰতিক্ৰিয়াৰ সৃষ্টি কৰিছে।
আনকি ছচিয়েল মিডিয়াতো এই উৎকোচ লোৱা দৃশ্য ভাইৰেল হৈ পৰাত প্ৰতিক্ৰিয়াৰ সৃষ্টি কৰিছে।
উত্থাপিত অভিযোগ মতে আৰক্ষী বিষয়া প্ৰহ্লাদ দাসে দীৰ্ঘদিন ধৰি অপৰাধীক আদালতত হাজিৰ কৰোৱাৰ পৰিৱৰ্তে থানাতে আদালত বহুৱাই টকাৰ বিনিময়ত মুকলি কৰি দিয়ে।
আৰক্ষী বিষয়া দাসে এজাহাৰকাৰীৰ পৰা ধন লোৱাৰ লগতে দালালৰ জৰিয়তে অভিযুক্তৰ পৰা মোটা অংকৰ উৎকোচ লৈ গোচৰৰ নামত থানাতে মেল বহুৱাৰ অভিযোগ সৰ্বজনবিদিত।
কিন্তু দুৰ্ভাগ্যবশত শেহতীয়াকৈ আৰক্ষী বিষয়া দাসে মুক্তভাৱে দালালৰ জৰিয়তে উৎকোচ লোৱাৰ দৃশ্য মোৱাইলত বন্দী হোৱাত আৰক্ষী বিষয়া কুকৰ্মৰ বিষয়ে পোহৰলৈ আহিছে।
আনহাতে এই উৎকোচ লোৱা ঘটনা সন্দৰ্ভত বঙাইগাঁও জিলাৰ আৰক্ষী অধীক্ষকে বৰ্তমানলৈকে কোনো ধৰণৰ পদক্ষেপ গ্ৰহণ নকৰাটোও এক তাৎপৰ্যপূৰ্ণ বিষয় হৈ পৰিছে।
