বৃহস্পতিবাৰে বিষয়াসকলে জনোৱা মতে, প’প ফ্ৰান্সিছে জলন্ধৰৰ বিচপ হিচাপে বিচপ ফ্ৰাংকো মুলাক্কালৰ পদত্যাগ পত্ৰ গ্ৰহণ কৰে। ইয়াৰ পূৰ্বে এগৰাকী নানে ধৰ্ষণৰ অভিযোগ অনাৰ পিছত সাময়িকভাৱে তেওঁৰ যাজকৰ দায়িত্ব কাঢ়ি লোৱা হৈছিল। যোৱা বছৰ কেৰালাৰ এখন স্থানীয় আদালতে ধৰ্ষণ গোচৰৰ পৰা দোষমুক্ত কৰাৰ ডেৰ বছৰৰ পাছত বিচপগৰাকীয়ে অৱসৰ গ্ৰহণ কৰে।
ভাৰতত ভেটিকানৰ ৰাষ্ট্ৰদূতগৰাকীয়ে কয় যে ২০১৮ চনত পোপ ফ্ৰান্সিছে এগৰাকী নানৰ ধৰ্ষণৰ দাবীৰ পিছত যাজকৰ দায়িত্বৰ পৰা অব্যাহতি লাভ কৰা মুলাক্কালে ১ জুনত জালন্ধৰৰ বিচপ পদৰ পৰা পদত্যাগ কৰে। ভাৰতীয় এপষ্টোলিক নেন্সিয়েচাৰে কয় যে সকলোৰে কল্যাণৰ বাবে জলন্ধৰ বিচপক পদত্যাগৰ অনুৰোধ কৰা হৈছিল।
লগতে পঢ়ক: ছেনেগালত কাৰাবন্দী বিৰোধী নেতা; প্ৰতিবাদকাৰীলৈ আৰক্ষীৰ গুলী, নিহত ৯ জন
ইয়াৰ পূৰ্বে ২০২২ চনৰ এপ্ৰিল মাহত ধৰ্ষণৰ গোচৰত বিচপ ফ্ৰাংকো মুলাক্কালক দোষমুক্ত কৰাৰ আদেশ বাতিল বিচাৰি ৰাজ্য চৰকাৰ আৰু নানগৰাকীয়ে দাখিল কৰা আবেদন গ্ৰহণ কৰিছিল কেৰালা উচ্চ ন্যায়ালয়ে। ২০২২ চনৰ জানুৱাৰী মাহত কোট্টাইমেৰ অতিৰিক্ত জিলা আৰু সত্ৰ ন্যায়াধীশৰ আদালত জলন্ধৰৰ লেটিন কেথলিক ডাইচৰ মুৰব্বী মুলাক্কালক এই গোচৰৰ পৰা মুক্ত কৰে।
এজাহাৰত নানগৰাকীয়ে অভিযোগ কৰিছিল যে ২০১৪ চনৰ পৰা ২০১৬ চনৰ ভিতৰত মুলাক্কালে জলন্ধৰ ডাইচৰ মিছনেৰীজ অৱ যীচুচৰ বিচপ হিচাপে কাম কৰি থকাৰ সময়ত তেওঁক ১৩ বাৰ ধৰ্ষণ কৰিছিল।
লগতে পঢ়ক: হঠাতে মঞ্চত উজুটি খাই পৰিল আমেৰিকাৰ ৰাষ্ট্ৰপতি জো বাইডেন; তাৰপিছত…(চাওক ভিডিঅ’)
২০১৮ চনৰ ২৭ জুনত এই এজাহাৰ দাখিল কৰাৰ পিছত ২১ ছেপ্টেম্বৰত ধৰ্ষণকে ধৰি আই পি চিৰ ৭টা ধাৰাত গ্ৰেপ্তাৰ কৰা হৈছিল মুলাক্কালক। ২০১৯ চনৰ নৱেম্বৰ মাহত এই গোচৰৰ বিচাৰ আৰম্ভ হৈছিল।
