Even nuns and priests watch Pornography কেথলিকসকৰ খ্ৰীষ্টানসকলৰ সৰ্বোচ্চ ধৰ্মীয় নেতা পোপ ফ্ৰান্সিছে পৰ্ণগ্ৰাফীৰ বিষয়ে মুকলিকৈ মুখ খুলিছে। তেওঁ অভিযোগ কৰিছে যে নান আৰু ধৰ্মযাজকসকলেও পৰ্ণগ্ৰাফী চায়। পোপে কৈছে যে পৰ্ণগ্ৰাফীয়ে যাজকসকলৰ হৃদয় দুৰ্বল কৰে।
ভেটিকানৰ এখন অধিৱেশনত ডিজিটেল আৰু সামাজিক মাধ্যম কেনেদৰে সৰ্বশ্ৰেষ্ঠভাৱে ব্যৱহাৰ কৰিব লাগে সেই সন্দৰ্ভত এক প্ৰশ্নৰ উত্তৰ দি তেওঁ এই মন্তব্য কৰে।
একে সময়তে তেওঁ যাজক তথা নানসকলক অনলাইনত পৰ্ণগ্ৰাফী চোৱাৰ বিপদাশংকাৰ বিষয়ে সতৰ্ক কৰি দিছে।
৮৬ বছৰীয়া ধৰ্মীয় নেতাজনে লগতে কয় যে পৰ্ণগ্ৰাফী হৈছে এক পাপ যিটো বহুলোকৰ আছে… আনকি যাজক আৰু নানসকলৰো। ইয়াৰ পৰা চয়তান প্ৰৱেশ কৰে। এক বিশুদ্ধ হৃদয়ে কেতিয়াও এই পৰ্ণগ্ৰাফী বা অশ্লীল তথ্য পাব নোৱাৰে।
লগতে পঢ়ক:হিংসাজৰ্জৰ পাকিস্তানতকৈও কম সুৰক্ষিত ভাৰত! আটাইতকৈ বেয়া পৰিস্থিতি আফগানিস্তানৰ
ছ’চিয়েল মিডিয়া আৰু ডিজিটেল পৃথিৱীখন কেনেদৰে বিচৰণ কৰিব লাগে সেই সন্দৰ্ভত পোপে কয় যে ডিজিটেল আৰু ছ’চিয়েল মিডিয়াৰ বিকল্পসমূহ ব্যৱহাৰ কৰিব লাগে যদিও ইয়াৰ ওপৰত অত্যাধিক সময় অপচয় কৰা উচিত নহয়।
