কৰ’না ভাইৰাছে বিশ্বত এক সংহাৰী ৰূপ ধৰিছে৷ চীন, ইটালী, আমেৰিকাৰ পিচত ভাৰতবৰ্ষও কৰ’না ভাইৰাচৰ কবলত পৰিছে৷
বৰ্তমানলৈ ভাৰতবৰ্ষত তিনি সহস্ৰাধিকৰো অধিক লোক ক’ৰ’নাত আক্ৰান্ত হোৱাৰ লগতে এশ জন মানুহ মৃত্যু মুখত পৰিছে৷ শেহতীয়াকৈ অসমতো ২৬ জন আক্ৰান্ত হৈছে।
এই কৰ’না ভাইৰাছৰ সংক্ৰমণ ৰোধ কৰিবলৈ প্ৰধানমন্ত্ৰী নৰেন্দ্ৰ মোডীয়ে ২৪ মাৰ্চৰ পৰা ঘোষণা কৰিছিল ২১ দিনীয়া ল’কডাউন ৷
এই ল’কডাউনৰ বাবে বন্ধ হৈ আছে মন্দিৰ আৰু দেৱালয়সমূহ৷ যাৰ ফলত জনসমাগম হ্ৰাস পাইছে মন্দিৰ-দেৱালয়সমূহত৷ ফলত মন্দিৰ দেৱালয়ত সমূহত থকা নিৰীহ প্ৰাণী বান্দৰ, চৰাই আদিকে ধৰি সকলো প্ৰানী খাদ্য সংকটত ভূগিছে ৷
আজি নৱগ্ৰহ মন্দিৰৰ এই প্ৰানীবোৰক খাদ্য দি মহানুভৱতাৰ পৰিচয় দিলে অভিনেত্ৰী বৰষা ৰাণী বিষয়াই ৷
নৱগ্ৰহ মন্দিৰৰ বান্দৰবোৰক নিজৰ ঘৰৰ আঠিয়া কল খাৱলৈ দিয়ে বুলি ফেচবুকত এটি পোষ্ট যোগে জনাই অভিনেত্ৰীগৰাকীয়ে৷ লগতে কৰ’নাৰ ভয়াৱহতাৰ পৰা বচাবলৈ ভগৱানক প্ৰাৰ্থনা কৰে ৷
