নিদাৰুণ: একেটা পৰিয়ালৰ পাঁচজন সদস্যক নিৰ্মমভাৱে হত্যা কৰি ঘৰত জুই লগাই দিলে দুৰ্বৃত্তই
এক নিদাৰুণ ঘটনাই জোকাৰি গৈছে এখন ৰাজ্যক।
অপৰাধী, বেদখলকাৰীৰ বিৰুদ্ধে বুলডজাৰ ব্যৱহাৰ কৰি সংবাদ শিৰোনাম দখল কৰা যোগী আদিত্যনাথৰ ৰাজ্য উত্তৰ প্ৰদেশত ঘটিছে এক নাৰকীয় ঘটনা। ৰাজ্য খনৰ প্ৰয়াগৰাজত এটা পৰিয়ালৰ পাঁচজন সদস্যক দুৰ্বৃত্তই অতি বৰ্বৰ ভাবে হত্যা কৰি ঘৰ জ্বলাই দিয়াৰ পিছতে প্ৰতিক্ৰিয়াৰ সৃষ্টি হৈছে।
আৰক্ষীয়ে সন্দেহ কৰা মতে একেটা পৰিয়ালৰ লোক সেইজনক দুৰ্বৃত্তই চোকা অস্ত্ৰৰে আক্ৰমণ কৰি হত্যা কৰিছে।
কেৱল ইমানতে ক্ষান্ত নাথাকি দুৰ্বৃত্তই পৰিয়ালটোৰ ঘৰটোও জ্বলাই দিয়ে।
ঘটনাৰ খবৰ পোৱাৰ পিছতে আৰক্ষী আৰু আৰু ফৰেনচিক বিশেষজ্ঞৰ দলে ঘটনাস্থলীত উপস্থিত হৈ তদন্ত আৰম্ভ কৰিছে।
উত্তৰ প্ৰদেশৰ অতিৰিক্ত আৰক্ষী সঞ্চালক প্ৰধান প্ৰশান্ত কুমাৰে কয় যে ঘটনাটো অতি গুৰুতৰ প্ৰকৃতিৰ। ঘটনাস্থলীলৈ তদন্তৰ বাবে এছটিএফ দল প্ৰেৰণ কৰা হৈছে বুলি তেওঁ প্ৰকাশ কৰে।
প্ৰাথমিক তদন্তৰ পিছত ঘটনাটোৰ আঁৰৰ উদ্দেশ্য প্ৰকাশ কৰা হ’ব বুলি তেওঁ আশা প্ৰকাশ কৰে। কোনে কি কাৰণত একেটা পৰিয়ালৰ পাঁচ সদস্যক হত্যা কৰিলে তাকেলৈ এতিয়া ৰহস্যৰ সৃষ্টি হৈছে।
আজি পুৱা স্থানীয় লোকে বাসগৃহটোৰ পৰা ধোঁৱা ওলাই থকা দেখিবলৈ পোৱাৰ পিছতে ঘটনাস্থলীলৈ গৈ পাঁচটা মৃতদেহ পৰি থকা দেখিবলৈ পায়। স্থানীয় লোকে লগে লগে আৰক্ষীক খবৰ দিয়ে।
উল্লেখ্য উত্তৰ প্ৰদেশত এয়াই প্ৰথম গণহত্যাৰ ঘটনা নহয়,ইয়াৰ পূৰ্বেও ৰাজ্য খনত নিৰ্মম গণ হত্যাৰ ঘটনা ঘটিছিল।
যোৱা সপ্তাহত প্ৰয়াগৰাজ চহৰৰে নৱাবগঞ্জ জিলাত এটা পৰিয়ালৰ চাৰিজন সদস্যক ছুৰীকাঘাত কৰি হত্যা কৰা হৈছিল।