টুইটাৰ ব্যৱহাৰ কৰি ৰাষ্ট্ৰ বিৰোধী প্ৰচাৰ! চৌদি অধ্যাপকক মৃত্যুদণ্ডৰ ৰায় আদালতৰ
চৌদি আৰৱৰ সংস্কাৰবাদী অধ্যাপক আৱাদ আল-কাৰণিক চৌদি আদালতে মৃত্যুদণ্ড প্ৰদান কৰিছে। টুইটাৰ আৰু হোৱাটছএপত ৰাষ্ট্ৰ বিৰোধী সংবাদ প্ৰকাশ কৰাৰ বাবে তেওঁক এইদৰে মৃত্যুদণ্ডৰে দণ্ডিত কৰা হৈছে।
বাতৰি অনুসৰি, চৌদি যুৱৰাজ মহম্মদ বিন ছলমানৰ সমালোচনা কৰাৰ বাবে ২০১৭ চনত ভিন্ন মতাৱলম্বীসকলৰ বিৰুদ্ধে এক বৃহৎ অভিযান আৰম্ভ কৰা হৈছিল। সেই সময়ত আৱাদ আল-কাৰণিক গ্ৰেপ্তাৰ কৰা হৈছিল।
লগতে পঢ়ক: প্ৰাক্তন আফগান মহিলা সাংসদক গুলীয়াই হত্যা; ৰহস্যজনক তথ্য প্ৰকাশ আৰক্ষীৰ
চৌদি ৰাষ্ট্ৰীয় সংবাদমাধ্যমত তেওঁক এগৰাকী ভয়ংকৰ সামাজিক প্ৰভাৱশালী ব্যক্তি হিচাপে চিহ্নিত কৰা কৰা হয়।
কিন্তু চৰকাৰৰ বিৰোধীসকলৰ মতে, আৱাদ আল-কাৰণি এগৰাকী গুৰুত্বপূৰ্ণ আৰু প্ৰসিদ্ধ বুদ্ধিজীৱী। তদুপৰি, তেওঁ ছ’চিয়েল মিডিয়াত এগৰাকী অতি প্ৰভাৱশালী ব্যক্তিত্ব।
লগতে পঢ়ক: ‘ক্ৰিটিকছ চইচ এৱাৰ্ডছ’ত শ্ৰেষ্ঠ বিদেশী ভাষাৰ চলচ্চিত্ৰকে ধৰি দুটাকৈ বঁটা লাভ RRRৰ
টুইটাৰত তেওঁৰ ২০ লাখ অনুসৰণকাৰী আছে। চৌদি আৰৱৰ মানৱ অধিকাৰ কৰ্মী আৰু ভিন্ন মতাৱলম্বীসকলে চৰকাৰক এনে ৰায়দানৰ বিৰুদ্ধে সতৰ্ক কৰি দিছে। তেওঁলোকে কয় যে চৰকাৰে চৌদি চৰকাৰৰ সমালোচকসকলৰ ওপৰত কঠোৰ আক্ৰমণ চলাই আছে।