ৰাজ্যিক পৰিবহণ বাছৰ ভিতৰতে মহিলাক ধৰ্ষণ! ক্ষোভত বাছষ্টেণ্ড ভাঙি লণ্ডভণ্ড কৰিলে ‘শিৱ সৈনিকে’
পুনেৰ স্বৰ্গগেট বাছ ষ্টেণ্ডত ৰখাই থোৱা মহাৰাষ্ট্ৰ ৰাজ্যিক পথ পৰিবহণ নিগমৰ বাছৰ ভিতৰত ২৬ বছৰীয়া এগৰাকী যুৱতীক ধৰ্ষণ কৰাৰ অভিযোগত ব্যাপক বিতৰ্ক চলি আছে। আৰক্ষীয়ে জনোৱা মতে, দত্তাত্ৰেয় গাড়ে নামৰ অভিযুক্তজনৰ বিৰুদ্ধে চুৰি আৰু শিকলি কাঢ়ি লোৱাৰ গোচৰ ৰুজু হোৱাৰ পূৰ্বৰ অপৰাধজনিত অভিলেখ আছে।
মঙলবাৰে পুৱাৰ ভাগত পুৱা প্ৰায় ৫.৩০ বজাত মহিলাগৰাকীয়ে পুৱা প্ৰায় ৫.৩০ বজাত এটা প্লেটফৰ্মত পাইথান অভিমুখী বাছৰ বাবে অপেক্ষা কৰি থকা অৱস্থাত এই কাণ্ড সংঘটিত হয়। যুৱতীগৰাকীৰ বাছখন আন এটা প্লেটফৰ্মত উপস্থিত হোৱা বুলি দাবী কৰি এজন মানুহ যুৱতীৰ ওচৰলৈ আহিল।
তেওঁক বিশ্বাস কৰি যুৱতীগৰাকী পিছে পিছে এম এছ আৰ টি চি ডিপোৰ বিশাল চৌহদৰ ভিতৰত নিৰ্জন ঠাইত ৰখাই থোৱা এখন খালী বাছলৈ গ’ল। বাছত উঠাৰ লগে লগে অভিযুক্তই যুৱতীৰ পিছে পিছে ভিতৰলৈ সোমাই যায় আৰু আন্ধাৰৰ আৱৰণত পলায়ন কৰাৰ পূৰ্বেই যুৱতীক ধৰ্ষণ কৰাৰ অভিযোগ উত্থাপন হয়।
কৰ্তৃপক্ষই চিচিটিভি ফুটেজৰ জৰিয়তে অভিযুক্তজনক চিনাক্ত কৰিছে, আৰু পলাতকক বিচাৰি উলিয়াবলৈ আৰু গ্ৰেপ্তাৰ কৰিবলৈ একাধিক আৰক্ষী দল নিয়োগ কৰা হৈছে বুলি স্বৰ্গেট থানাৰ এজন বিষয়াই নিশ্চিত কৰিছে।
এই ঘটনাৰ পাছতে স্বৰ্গগেট বাছ ডিপোত নিৰাপত্তাৰক্ষীৰ ভুল সন্দৰ্ভত ক্ষিপ্ৰ ব্যৱস্থা গ্ৰহণ কৰিছে কৰ্তৃপক্ষই। বাছ ষ্টেণ্ডত নিয়োজিত ২৩জন নিৰাপত্তাৰক্ষীক শীঘ্ৰে নিলম্বন কৰাৰ নিৰ্দেশ পৰিবহণ মন্ত্ৰী প্ৰতাপ সাৰ্নাইকে। ইয়াৰ উপৰিও নতুন নিৰাপত্তাৰক্ষীক বৃহস্পতিবাৰৰ পৰা কৰ্তব্য গ্ৰহণ কৰিবলৈ নিৰ্দেশ দিয়া হৈছে।
স্বৰ্গগেট ডিপোৰ মেনেজাৰ আৰু ট্ৰেফিক কণ্ট্ৰ’লাৰৰ বিৰুদ্ধেও তদন্ত আৰম্ভ কৰা হৈছে। এসপ্তাহৰ ভিতৰত তেওঁলোকৰ জবাবদিহিতাৰ বিশদ প্ৰতিবেদন পৰিবহণ আয়ুক্তক দাখিল কৰা হ’ব, যাৰ ভিত্তিত পৰৱৰ্তী ব্যৱস্থা নিৰ্ধাৰণ কৰা হ’ব।