পঞ্জাৱ কংগ্ৰেছৰ সভাপতি পদ এৰিলে নৱজোৎ সিং সিদ্ধুৱে
অন্ত পৰা নাই পঞ্জাৱ কংগ্ৰেছৰ ৰাজনৈতিক অস্থিৰতাৰ।
এইবাৰ পঞ্জাৱ কংগ্ৰেছৰ সভাপতিপদৰ পৰা পদত্যাগ কৰিছে নৱজ্যোত সিং সিদ্ধুৱে।
কংগ্ৰেছৰ অন্তৱৰ্তীকালীন মুৰব্বী ছোনিয়া গান্ধীলৈ লিখা পদত্যাগ পত্ৰত সিদ্ধুৱে কয়, আপোচকামী মনোভাৱেৰে এজন ব্যক্তিৰ পতন আৰম্ভ হয়, মই কেতিয়াও পঞ্জাৱৰ ভৱিষ্যত আৰু পঞ্জাৱৰ কল্যাণৰ কাৰ্যসূচীৰ সৈতে আপোচ কৰিব নোৱাৰো। সেয়েহে, মই ইয়াৰ দ্বাৰা পঞ্জাৱ প্ৰদেশ কংগ্ৰেছ কমিটিৰ সভাপতি পদৰ পৰা পদত্যাগ কৰিছো।”
— Navjot Singh Sidhu (@sherryontopp) September 28, 2021
সিদ্ধুৱে অৱশ্যে কয় যে তেওঁ কংগ্ৰেছৰ দলৰ সদস্য হিচাপে সেৱা অব্যাহত ৰাখিব।
পঞ্জাৱ বিধানসভা নিৰ্বাচনলৈ মাত্ৰ কেইমাহমান থকাৰ মুহূৰ্ততে পঞ্জাৱ কংগ্ৰেছলৈ অহা এই ৰাজনৈতিক ধুমুহাই দলটোক বিপদগ্ৰস্ত কৰি তুলিছে।
ইফালে এই বাতৰিৰ প্ৰতিক্ৰিয়া ব্যক্ত কৰিছে পঞ্জাৱৰ প্ৰাক্তন মুখ্যমন্ত্ৰী অমৰিন্দৰ সিঙে।
টুইটাৰ যোগে তেওঁ কয় যে সিদ্ধু এজন স্থিৰ ব্যক্তি নহয় আৰু সীমান্তৱৰ্তী ৰাজ্য পঞ্জাৱৰ বাবে উপযুক্ত নহয়।
I told you so…he is not a stable man and not fit for the border state of punjab.
— Capt.Amarinder Singh (@capt_amarinder) September 28, 2021
উল্লেখ্য যে দলীয় সংঘাতৰ ফলত কেপ্তেইন অমৰিন্দ্ৰৰ সিঙে যোৱা ১৮ ছেপ্টেম্বৰত পঞ্জাৱৰ মুখ্যমন্ত্ৰী পদৰ পৰা অব্যাহতি লৈছিল। দলৰ সভাপতি নৱজোৎ সিং সিদ্ধুৰ সৈতে তেখেতৰ সংঘাতৰ বিষয়ে পোহৰলৈ আহিছিল।
এনে সময়তে পঞ্জাৱ কংগ্ৰেছৰ সভাপতি পদৰ পৰা সিদ্ধুৰ পদত্যাগে বিশেষ চৰ্চা লাভ কৰিছে।