পঞ্জাৱৰ অমৃতসৰত শিৱসেনাৰ নেতা সুধীৰ সুৰীক গুলীয়াই হত্যা কৰিছে দুৰ্বৃত্তই। ঘটনাটো অমৃতসৰ চহৰৰ এটা মন্দিৰৰ কাষতে ঘটিছে। আৰক্ষীয়ে প্ৰকাশ কৰা অনুসৰি আজি শিৱসেনাৰ নেতাসকলে মন্দিৰৰ বাহিৰত প্ৰতিবাদ কৰি আছিল। সেই সময়তে আক্ৰমণকাৰী লোকজনে ভিৰৰ মাজৰ পৰা ওলাই আহি সুৰীক গুলীয়ায়।
ঘটনাৰ পিছতে আৰক্ষীয়ে আক্ৰমণকাৰী লোকজনক গ্ৰেপ্তাৰ কৰিবলৈ সক্ষম হৈছে। আক্ৰমণটোত ব্যৱহৃত বন্দুকটোও অভিযুক্ত জনৰ পৰা উদ্ধাৰ কৰা হৈছে। মন্দিৰ চৌহদৰ আৱৰ্জনাত দেৱ-দেৱীৰ ভঙা মূৰ্তি পোৱাৰ পিছত শিৱসেনাৰ নেতাসকলে মন্দিৰ কৰ্তৃপক্ষৰ বিৰুদ্ধে প্ৰতিবাদ সাব্যস্ত কৰিছিল।
প্ৰতিবাদৰ সময়ত সুৰীয়ে এজন আৰক্ষী বিষয়াৰ সৈতে কথা পাতি আছিল। সেই সময়তে তেওঁৰ ওপৰত পাঁচ ৰাউণ্ড গুলী চালনা কৰা হৈছিল।আক্ৰমণকাৰী জনক সন্দীপ সিং বুলি চিনাক্ত কৰা হৈছে। আৰক্ষীৰ সূত্ৰই কয় যে অভিযুক্ত আক্ৰমণকাৰীজন স্থানীয় ব্যৱসায়ী ।
দীৰ্ঘদিন ধৰি সুৰীক আক্ৰমণ কৰাৰ পৰিকল্পনা কৰিছিল দুৰ্বৃত্তই। তেওঁক ইতিমধ্যে নিৰাপত্তাও দিয়া হৈছিল। ঘটনাটোত প্ৰতিক্ৰিয়া প্ৰকাশ কৰি বিজেপি নেতা তাজিন্দৰ সিং বাগ্গাই আম আদমী পাৰ্টি (আপ) চৰকাৰক গৰিহণা দিছে। তাজিন্দৰে টুইট কৰি কয়, ” আপ চৰকাৰৰ শাসনত থাকে তেতিয়া পঞ্জাৱত আইন-শৃংখলা ভাঙি পৰিছে।” চুৰীক এই বছৰৰ জুলাই মাহত এটা নিৰ্দিষ্ট সম্প্ৰদায়ৰ বিৰুদ্ধে আপত্তিজনক মন্তব্য কৰা আৰু ধৰ্মীয় অনুভূতিত আঘাত কৰাৰ অভিযোগত গ্ৰেপ্তাৰ কৰা হৈছে।
