চলন্ত গাড়ীত বুক ডাউন মাৰি কি পৰিণতি হ’ল যুৱকৰ? ভাইৰেল ভিডিঅ’

বুক ডাউন মৰাটো শৰীৰৰ পক্ষে ভাল। কিন্তু বুক ডাউন কৰাটো একোটা নিৰ্দিষ্ট স্থান থাকে। সেই স্থানক বাদ দি আন ঠাইত বুক ডাউন কৰিলে হিতে বিপৰীত হোৱাৰহে আশংকা থাকে।

তেনে এটা ঘটনাই ঘটিছে উত্তৰ প্ৰদেশত।উত্তৰ প্ৰদেশৰ এজন যুৱকে চলন্ত গাড়ীৰ অপৰত বুক ডাউন মাৰি এতিয়া আইনৰ ৰোষত পৰিবলগীয়া হৈছে।

উজ্জ্বল যাদৱ নামৰ যুৱক জনে উত্তৰ প্ৰদেশৰ ৰাজপথৰ ওপৰতে এখন চলন্ত গাড়ীৰ পৰা নামি গৈ গাড়ী খনৰ ওপৰত উঠে আৰু বুক ডাউন মাৰিবলৈ আৰম্ভ কৰে।

যুৱক জনে আনকি তেওঁৰ এই দুঃসাহসিক কাৰ্যৰ ভিডিঅ’ও কৰি ৰাখে।

এটা সময়ত সেই ভিডিঅ’ হাত বাগৰি গৈ পৰে ৰাজ্যখনৰ আৰক্ষীৰ হাতত।

আৰক্ষীয়ে আইন উলংঘা কৰি চলন্ত গাড়ীৰ ওপৰত বুক ডাউন মৰা যুৱক উজ্জ্বল যাদৱক তাৎক্ষণিক ভাবে আটক কৰে।

Some Pushups will only bring you down in the eyes of Law !

Stay Strong, Stay Safe !#UPPCares #UPPolice pic.twitter.com/dvGSjtL2Az

— UP POLICE (@Uppolice) March 13, 2021

কেৱল সেয়াই নহয়, আৰক্ষীয়ে মানুহৰ মাজত সজাগতাৰ সৃষ্টি কৰাৰ লক্ষ্যৰে উজ্জ্বল যাদৱে চলন্ত গাড়ীৰ ওপৰত বুক ডাউন মৰাৰ ভিডিঅ’টো ছ’চিয়েল মিডিয়াত প্ৰচাৰো কৰে।

উত্তৰ প্ৰদেশ আৰক্ষীয়ে প্ৰচাৰ কৰা ভিডিঅ’টো লগে লগে ভাইৰেল হৈ পৰে।

ভিডিঅ’টোত আৰক্ষীয়ে আইন উলংঘা কৰি এনে বিপজ্জনক কাম কৰাটো কিমান বয়াৱহ হ’ব পাৰে সেই কথাও প্ৰকাশ কৰিছে।

চলন্ত গাড়ীৰ ওপৰত বুক ডাউন মাৰি আটক হোৱা যুৱক উজ্জ্বল যাদৱক আৰক্ষীয়ে আইন অনুসৰি জৰিমনা বিহিছে।

আৰক্ষীৰ দণ্ডৰ সন্মুখীন হোৱাৰ পিছতে যুৱক জনে কৈছে যে তেওঁ যি কাম কৰিছিল সেয়া সঁচাকৈয়ে মাৰাত্মক কাম।

ভৱিষত্যে  কেতিয়াও এনে কাম নকৰে বুলিও  তেওঁ কথা দিয়ে। তেওঁ লগতে এনে কাম নকৰিবলৈ সকলোকে আহ্বান জনায়।